Anjumanda mamlakatimizda faoliyat ko'rsatayotgan Bolalar-o'smirlar sport maktablari, Oliy sport mahorati maktablari, Ixtisoslashtirilgan bolalar-o'smirlar sport maktablari, ixtisoslashtirilgan davlat maktab-internatlari va olimpiya zaxiralari kollejlari direktorlari hamda Jismoniy tarbiya va sport hududiy boshqarma boshliqlari, sport faxriylari, olimlar va etakchi mutaxassislar ishtirok etishdi.
Anjumanni kirish so'zi bilan ochgan Jismoniy tarbiya va sport davlat qo'mitasi raisi R.Kurbanov muhtaram prezidentimiz SH.M.Mirziyoev rahbarligida mamlakatimizda jismoniy tarbiya va sportni yanada rivojlantirish borasida amalga oshirilayotgan islohotlar, qabul qilinayotgan hujjatlar va bajarilishi zarur bo'lgan ishlar haqida so'zladi.
Jismoniy tarbiya va sport davlat qo'mitasi raisining birinchi o'rinbosari I.Djuraevning maruzasi Jismoniy tarbiya va sport sohasida olib borilayotgan islohotlarda sport talim muassasalarining roli hamda selekciya ishlariga bag'ishlandi.
Jismoniy tarbiya va sport davlat qo'mitasi hamda Milliy olimpiya qo'mitasi raisi o'rinbosari F.Turdiev anjuman ishtirokchilari etiborini Respublikada sport sohasini tashkil etish va rivojlantirishning namunaviy modeli hamda uyushmagan yoshlarni sportga jalb etish muammolari, bu borada bajarilishi ko'zda tutilgan ustuvor vazifalarga qaratdi.
Sertifikatlashtirish va kompyuterlashtirish markazi direktori SH.Sultanov “Sport pasporti”ni joriy etish chora-tadbirlari to'g'risida so'zladi.
O'zbekiston Milliy olimpiya qo'mitasi qoshidagi Respublika sport tibbiyoti ilmiy-amaliy markazi bo'lim boshlig'i A.Xojimetov ning maruzasi sportchilarning tibbiy xulosalariga ko'ra surunkali kasalliklarni aniqlash, uning oldini olish va davolash yo'llari mavzusini ochib berdi.
Seminar qatnashchilari Toshkent shahrida joylashgan bir qator sport majmualariga tashrif buyurishdi. Jumladan, O'zbekiston Milliy olimpiya qo'mitasi, “Olimpiya shon-shuhrati” muzeyi, “Bunyodkor” stadioni, O'zbekiston taekvondo markazi, yaqinda foydalanishga topshirilgan Engil atletika markazida yaratilgan shart-sharoitlar bilan bevosita tanishib, o'zlarini qiziqtirgan savollarga javob olishdi.
O'zbekiston Respublikasi Jismoniy tarbiya va sport davlat qo'mitasi matbuot xizmati
Suratlar muallifi: Aziz To'xtamurodov
Bosh sahifaga
212
