Zero "temiryo'lchilar" jamoasi ushbu mavsumda o'z tarixida ikkinchi marta O'zbekiston chempionligini qo'lga kiritdi.
Qayd etish joizki, "Lokomotiv" Oliy Liga-2017ni juda ko'tarinki ruhda boshladi. Mavsum davomida o'z chempionlik unvonini saqlab qolishga harakat qilgan "Loko" yakunda bu ishni munosib tarzda uddalay oldi.
"Temiryo'lchilar" jamoasi 30ta uchrashuv o'tkazib, 22ta g'alaba, 4ta durang va 4ta mag'lubiyat qayd etdi. Jamoa 70 ochko jamg'argan holda Oliy Ligada 1-o'rinni egalladi. "Lokomotiv" futbolchilari 67 marta raqiblari darvozalarini ishg'ol etishdi, shu gollardan bittasi avtogol sifatida qayd etildi. O'z darvozamizdan esa 20ta gol o'tkazib yubordik.
Takidlash joizki, "Lokomotiv" darvozabonlari Oliy Liga-2017da 4 marta darvozamiz tomon belgilangan penaltini qaytarishga muvaffaq bo'lishdi.
"Lokomotiv" hujumchisi Marat Bikmaev 26ta gol bilan chempionat to'purarligini ham qo'lga kiritdi.
Jamoa safida eng ko'p maydonga tushgan futbolchi Sardor Mirzaev bo'ldi, Tajribali yarim himoyachi Oliy Liga-2017ning barcha turida maydonga tushdi. Kaxi Maxaradze esa faqatgina bitta o'yinda maydonga tushmadi xolos. Gruzin himoyachisi 29ta o'yinda bevosita ishtirok etdi. Jaloliddin Masharipov esa Oliy Ligada 27ta uchrashuv o'tkazdi.
"Lokomotiv" futbolchilariga mavsum davomida hakamlar jami 46 marta sariq kartochka ko'rsatishdi. Quvonarli jihati shundaki, hech bir futbolchimiz maydondan chetlatilgani yo'q.
Bosh sahifaga
109