Mavsum yakunlari borasidagi malumotlar taqdim etishda davom etamiz.
JAMI TOMOSHABINLAR
Mavsum davomida eng ko'p muxlis "Buxoro" klubi ishtirokidagi o'yinlarga keldi. Ushbu klub uchrashuvlarini 231469 nafar tomoshabin stadiondan kuzatdi. Bu har bir bahsga o'rtacha 7716 tomoshabin deganidir.
Ikkinchi o'rinda "Navbahor" qayd etilgan - 218332. Uchinchi o'rinni "Qo'qon-1912" band etdi - 182554.
Eng kam tomoshabin "Obod" o'yinlariga keldi - 49124.
UYDAGI TOMOSHABINLAR
O'z uyida tomoshabin to'plash borasida ham "Buxoro" yakka peshqadam - 170060. "Navbahor"ning uy o'yinlariga 153603 tomoshabin keldi. Samarqanddagi o'yinlarga 106981 tomoshabin tashrif buyurdi va "Dinamo" bu borada uchinchi bo'ldi.
"Obod"ning uy o'yinlariga jami 7362 tomoshabin keldi.
SAFARDAGI TOMOSHABINLAR
"Paxtakor"ning safardagi o'yinlariga eng ko'p tomoshabin keldi - 109144. "Lokomotiv" bu borada ikkinchi bo'ldi - 78485. "Qo'qon-1912"ning safardagi uchrashuvlariga 77815 muxlis keldi.
Safarda ham "Obod"ning o'yinlariga eng kam odam kelgan - 41762.
UMUMIY TOMOSHABINLAR
2017 yilgi oliy ligada bo'lib o'tgan 233ta o'yinga jami 1022000 tomoshabin keldi. Bu har bir o'yinga o'rtacha 4386 tomoshabin to'g'ri keladi.
Bosh sahifaga
2079