Ushbu sahifa orqali tadbirning barcha tafsilotlarini kuzatib borishingiz mumkin bo'ladi.
MATNLI TRANSLYACIYA
YANGILASH
20:57. 2018 yilgi Jahon chempionatiga qura tashlandi. Mana endi yozgacha bu guruhlarni tahlil qilish mumkin.
20:32. Diqqat jarayon boshlandi!
"A" guruhi: Rossiya, Saudiya Arabistoni, Misr, Urugvay.
"B" guruhi: Portugaliya, Ispaniya, Marokash, Eron.
"C" guruhi: Franciya, Avstraliya, Peru, Daniya.
"D" guruhi: Argentina, Islandiya, Xorvatiya, Nigeriya.
"E" guruhi: Braziliya, SHveycariya, Kosta-Rika, Serbiya.
"F" guruhi: Germaniya, Meksika, SHveciya, Janubiy Koreya.
"G" guruhi: Belgiya, Panama, Tunis, Angliya.
"H" guruhi: Polsha, Senegal, Kolumbiya, Yaponiya.
20:30. Qura jarayonidan oldin 4ta savatchani yana bir bor eslatib o'tamiz.
20:29. Gari Liniker: Futbolchilik paytidagi penalti tepishdan ham hayajonli holat.
20:29. Mariya Komandnaya: Bu sahnada turish men uchun katta sharaf. Menimcha aynan bugun Jahon chempionati start olmoqda.
20:28. Gari Liniker va Mariya Komandnaya sahnaga taklif etildi.
20:25. Sahnaga sobiq futbol yulduzlari taklif etilmoqda: Angliya futbol afsonasi, 1966 yilgi Jahon chempioni Gordon Benks, Rossiya futbolining tirik afsonasi Nikita Simonyan, Urugvay terma jamoasi sobiq hujumchisi Diego Forlan, Argentinalik futbol afsungari Diego Maradona, 1998 yilgi Jahon chempioni Loran Blan, ikki karra Jahon chempioni braziliyaik Kafu, Ispaniya safida Jahon chempioni bo'lgan Karles Puyol, 2006 yilgi Jahon chempioni, italiyalik Fabio Kannavaro.
20:20. Tadbir boshlovchilari Ivan Urgant va Alsu
20:18. Igor Moiseev nomidagi Rossiya xalq raqs ansambli sahnada
20:17. Miroslav Kloze: Jahon chempionatida kim qancha gol urgani emas, balki jamoviy yutuq birinchi o'rinda edi. Biz bunga erishganimizdan xursandmiz. Bu kubokning yonida bo'lish va safarlarga borish albatta yoqimli.
20:16. Jahon chempionatlarining eng yaxshi to'purari, amaldagi Jahon chempioni Miroslav Kloze sahnaga Jahon chempionati kubogini olib chiqdi.
20:12. Sahnada Alsu qo'shiq kuylamoqda.
20:06. Janni Infantino: Janob Vladimir Putin va qolgan mehmonlarga salom. Mana shunday insonlar qarshisida turish va Putinning shu nutqini tinglash, qura jarayonida qatnashish men uchun sharaf. Birinchi navbatda Rossiya hukumatiga, tashkiliy qo'mitaga, volonterlar va bu katta voqeaga o'z xizmatini qo'shgan barcha barchaga rahmat aytaman. Rahmat, Rossiya! 11ta mezbon shaharga minnatdorchilik bildirmoqchiman. Butun dunyo keyingi yil Rossiyaga tashrif buyuradi. Futbol bayramini shu mamlakatda nishonlash mumkin bo'ladi. Biz barcha shaharlarga tashrif buyurdik, barchasi bizda katta taassurot qoldirdi. Bir necha daqiqalardan so'ng JCH-2018 ochilish o'yinida qatnashadigan jamoar nomini bilib olamiz. Bugun bu saroyga dunyo yulduzlari kelishgan. Liniker va Komandnaya boshlovchilik qilishadi, Kloze ham bizga yordam berishadi. Barchangiz hozir mana shularga guvohi bo'lasiz. Spasibo, bolshoe!
20:03. Vladimir Putin: Dunyoning eng kuchli 32ta terma jamoasi Jahon chempionatida o'z raqiblari va qaysi shaharlarga borishlarini bilib olishadi. Mamlakatimz bu musobaqani ajoyib tarzda o'tkazmoqchi. Rossiyaga o'z jamoalarini qo'llab quvvatlash uchun kelgan muxlislar faqat futbol ko'rishmaydi, balki Rossiyaning mehmondo'stligi, shaharlarning go'zalligini ko'rish imkoniyatiga ega bo'lishadi. Biz do'stlarimizni qanday qabul qilishimizni Rossiyaga bir bor kelgan insonlar juda yaxshi bilishadi. Futbolni yurtimizda ancha yillardan buyon sevishadi. Ayni paytda yurtimizda futbol bilan shug'ullanayotganlar soni 2 million 700 mingdan ortiq. Rossiyadagi mundial katta bayramga aylanishini taminlashga harakat qilamiz. 2018 yilda ko'rishguncha.
20:02. Sahnaga Vladimir Putin va FIFA prezidenti Janni Infantino taklif etildi.
20:00. Boshladi! Ivan Urgant va Alsu tadbirning shou qismini ochib berishmoqda.
19:54. Mehmonlar o'z o'rinlarini egallashmoqda va bir necha soniyalardan so'ng shou va marosim boshlanadi.
19:52. Tadbir boshlanishiga oz muddat qolmoqda.
19:50. Qura tashlash marosimi Toshkent vaqti bilan soat 20:00da boshlanadi.
Bosh sahifaga
1194