Toshkent vaqti bilan 22:30da boshlanadigan super bahsga oid qiziqarli malumotlar va statistikani etiboringizga havola qilamiz.
Barcha turnirlarni qo'shib hisoblaydigan bo'lsak "Arsenal" va "Manchester Yunayted" 226 marta to'qnash kelgan. "Arsenal"ning umumiy g'alabalari soni 82ta, MYUda 94ta. O'yinlarning 50tasi Premer-liga doirasida o'tkazilgan. APLdagi bahslarning 13tasida "to'pchilar", 22tasida esa "qizil iblislar" g'alaba qozongan.
Bu ikki azaliy raqiblarda o'ynagan futbolchilar ham bo'lgan.
"Arsenal"dan "Manchester Yunayted"ga o'tganlar:
| Futbolchilar | "Manchester Yunayted"ga o'tgan yili |
|---|---|
| Devid Xerd | 1961 |
| Yan Yur | 1969 |
| Jorj Grexam | 1972 |
| Frenk Stapelton | 1981 |
| Viv Anderson | 1987 |
| Endi Koul | 1995 |
| Mett Viks | 1995 |
| Robin van Persi | 2012 |
"Manchester Yunayted"dan "Arsenal"ga o'tganlar:
| Futbolchilar | "Arsenal"ga o'tgan yili |
|---|---|
| Peddi Sloan | 1946 |
| Jimmi Rimmer | 1974 |
| Brayn Kidd | 1974 |
| Jim Leyton | 1991 |
| Devid Platt | 1995 |
| Mett Viks | 1996 |
| Mikael Silvestr | 2008 |
| Denni Uelbek | 2014 |
"Arsenal" Premer-liga doirasida "Manchester Yunayted"ga qarshi uyida o'tkazgan so'nggi 5ta bahsning faqat 1tasida mag'lubiyatga uchragan (2ta g'alaba, 2ta durang). "To'pchilar"ning so'nggi ikki g'alabasida "Manchester Yunayted" gol ura olmagan.
Arsen Venger jamoasi Premer-liga uchrashuvlarida ketma-ket 12ta uchrashuvda g'alaba qozondi. So'nggi bor "Arsenal" shunga o'xshash natijani 2005 yil fevralda "Xayberi" stadionida qayd etgan (ketma-ket 13ta g'alaba).
Mesut Ozil "Manchester Yunayted"ga qarshi APLning so'nggi to'rt uchrashuvda 4ta golda ishtirok etgan (2ta g'alaba, 2ta golli pas).
To'purarlar ro'yxatida "Manchester Yunayted" va "Arsenal" futbolchilari ketma-ket joylashishgan. Romelu Lukaku 8ta gol bilan to'purarlar jadvalida 7-o'rinni egallab turgan bo'lsa, Aleksandr Lyakazett 7ta gol bilan 8-o'rinda bormoqda.
Bosh sahifaga
192