- "Lokomotiv"ga qarshi final uchrashuviga yaxshi maromda tayyorgarlik ko'ryapmiz. Kayfiyat ancha zo'r. Biz bir jamoa bo'lib, bir yoqadan bosh chiqarib mavsumning eng muhim bellashuviga jiddiy yondoshyapmiz.
O'zbekiston kubogi final bahsini bemalol "yil o'yini" desam ham bo'ladi.
Finalda birgina Gadoev emas, butun jamoa o'ynaydi. SHu boisdan ham finalda jamoaviy o'yinga tayanib harakat qilamiz. Bizda jamoviy o'yin yaxshi shakllangan. Hamma futbolchi bir-birini yaxshi tushunadi.
Agarda jamoam g'alabasiga hissam tegsa bundan albatta benihoyat xursand bo'lardim.
To'g'ri, 2 yil avval O'zbekiston kubogini qo'lga kiritgandim. "Bunyodkor"ning hozirgi tarkibidan faqat Zuhurov, Ibrohimov, G'ofurov va menda O'zbekiston kubogi sovrini bor. Ko'pchilik yosh futbolchilarda esa ushbu sovrin yo'q. Finaldan keyin esa barcha futbolchilarda ushbu sovrin bo'lishiga umid qilamiz.
Barcha futbolchi o'z nomini tarixga muhrlab qo'ygisi keladi.
Finalda har qanday jamoa bor kuchi bilan harakat qiladi. Kim ko'proq g'alabani istasa va qaysi jamoa yaxshi tayyorgarlikka ega bo'lsa, o'sha jamoa yakunda g'alaba qozonadi. O'zbekiston kubogi kimga nasib etishini vaqt ko'rsatadi.
Finalda gol ursam-u, jamoam g'alaba qozonsa, unda buni antiqa uslubda nishonlash rejam bor. Qanday reja ekanligi hozircha sir bo'laqolsin.
Bosh sahifaga
880