Uchrashuv mezbonlar uchun o'ta omadsiz boshlandi. 4-daqiqada Valensiyaning kuchli zarbasidan keyin to'p “Arsenal” himoyachisi va darvozabonining oyoqlari orasidan o'tib to'rta borib tushgan bo'lsa, 11-daqiqada Lingard ajoyib vaziyatga chiqarildi va u imkoniyatdan samarali foydalandi.
SHundan keyin “Arsenal” tashabbusni to'liq o'z qo'liga oldi. Ammo shu kuni David De Xea faoliyatidagi eng yaxshi o'yinlardan birini o'tkazdi va “to'pchilar”ning o'nlab hujumlarini ajoyib “seyv”lari orqali bartaraf etdi. Ikkinchi bo'lim boshida Venger jamoasi hisobni qisqartirishga erishdi. Ammo 63-daqiqada yana qarshi hujumda Mourino jamoasi raqibni dog'da qoldirdi. Pogbaning ajoyib to'p uzatishidan keyin Lingard bo'sh qolgan darvozani aniq nishonga oldi. 74-daqiqada Pogba raqib himoyachisi Beleringa nisbatan qo'polligi evaziga maydondan chetlatildi va keyingi turda “Man Siti”ga qarshi o'tadigan bahsni tribunadan kuzatishi oydinlashdi.
APL, 15-tur.
Arsenal – Manchester Yunayted 1:3
Gollar: 0:1 – 4 Valensiya, 0:2 – 11 Lingard, 1:2 – 49 Lyakazett, 1:3 – 63 Lingard.
Arsenal – CHex, Mustafi (Ivobi, 15), Monreal, Kolashinac (Jiru, 76), Koselni, Ozil, Remzi, Sanches, Djaka (Uelbek, 70), Belerin, Lyakazett.
ManchesterYunayted –De Xea, Smolling, Roxo, Valensiya, Lindelef, Pogba, Yang, Matich, Lingard (Darmian, 76), Marsyal (Errera, 67), Lukaku.
Ogohlantirish: Roxo (58), Belerin (72), Koselni (87), Errera (89), Sanches (89).
CHetlatish: Pogba (74).
Bosh sahifaga
99