"Avvalo muxlislarga rahmat aytaman, shunday sovuqqa qaramay to'la stadionda o'ynash ajoyib bo'ldi. Ikkala jamoaga rahmat aytaman, yomon o'yin bo'lmadi. Ikkita turli taym guvohiga aylandik. Tashkilotchilarga rahmat aytaman. Ketma ket ikkinchi yil O'zbekiston kubogida g'olib bo'lganimizdan xursandman. Oxirgi daqiqalarda biz hisobni saqlab qolish uchun o'ynadik. Omad kuchlilarga kulib boqadi. Barcha futbolchilarga mavsum uchun rahmat. Bizning jamoamizda hech qanday ziddiyatlar bo'lmadi. Bizni qo'llab quvvatlab turgan rahbariyat va muxlislarga, siz jurnalistlarga rahmat. Biz qo'yilgan maqsadlarga erishdik", - deydi Miklyaev.
- O'tgan yil ham oltin dubl qayd etilgandi. Qaysi biri qiyinroq bo'ldi?
- Hozir birdan aytish qiyin. Birinchi marta oltin dubl qayd etish doim qiyin bo'ladi. Sovrinlarni saqlab qolish uni qo'lga kiritishdan og'ir bo'ladi. Katta mehnatlar yotibdi. Masalan bugun "Bunyodkor" uchrashuv oxirida bizni juda ham qiynadi. Bu mavsumda hech qaysi o'yinda bunchalik himoyalanmagan edik.
- Timur Kapadze klub tizimida qoladimi?
- Menimcha ha. Sababi bunday yaxshi kadrlarni shunday qo'yib yuborish to'g'ri emas.
- Legionerlar jamoada qolishadimi?
- Hozir mavsum yakunlandi. Barcha xursand. Hozircha bu haqda aniq malumot bera olmayman. Legionerlar borasida yaxshilab o'ylab qaror qabul qilamiz.
- Marat Bikmaevga "Paxtakor" qiziqmoqda. Bosh murabbiy sifatida nima deb o'ylaysiz u jamoada qoladimi?
- Nafaqat "Paxtakor" balki ko'plab jamoalar unga qiziqishmoqda. Uning shartnomasi tugamoqda. Kelasi mavsum qaerda o'ynashi ko'proq Bikmaevning qaroriga bog'liq.
- Jaloliddin Masharipov keyingi yil qaysi klubda o'ynaydi?
- Bu ham yuqoridagi kabi vaziyat. Masharipov jamoamiz g'alabalariga xissa qo'shdi. Uning masalasi klublar rahbariyati o'rtasida hal bo'ladi.
- Jamoadan keyingi yil OCHLda nima kutish mumkin?
- Biz ham o'zimizga shu savolni ko'p beramiz. Xalqaro maydonda ham o'z oldimizga qo'yilgan maqsadlarga erishishga harakat qilamiz.
Narzulla Saydullaev
Bosh sahifaga
1178