O'zbekiston chempioni hamda mamlakat Kubogi sohibi “Lokomotiv” klubi G'arb mintaqasida “B” guruhidan joy oldi. Jamoa guruh bosqichida “Duhail” (Qatar), “Al Vahda” (BAA) hamda “Zobohan” (Eron) / “Aizavl” (Hindiston) juftligi g'olibiga qarshi bahs olib boradi.
"Temiryo'lchilar" jamoasi himoyachisi Islom To'xtaxo'jaev mazkur guruh haqida o'z fikrlarini bildirib o'tdi:
- Qura jarayonini kuzatib bordim. Zero jamoamizga qura qanday raqiblar taqdim etishi barchamiz uchun qiziqarli edi. Ishonch bilan ayta olamanki, quradan ko'nglim to'ldi. To'g'ri, guruhimizga biz uchun u qadar tanish bo'lmagan jamoalar tushdi. Barcha klublar bilan o'yinlar qiziqarli o'tishiga aminman, - dedi mahoratli futbolchi.
Bosh sahifaga
1655