- Avvalom bor bugungi yosh futbolchilarimizning yutug'i bilan klubimiz rahbariyatini, murabbiylarimizni va klubimizning barcha ishqibozlarini samimiy tabriklayman. Birinchilikning final bosqichidagi raqiblarimiz biz bilan jiddiy kurash olib borishdi. Biz final bosqichiga yaxshi tayyorgarlik ko'rgan edik va yosh futbolchilarimiz bergan ko'rsatmalarimizni ko'ngildagidek ado etishdi. Natijasiga esa o'zlaringiz guvoh bo'lib turibsiz. Har bir uchrashuv biz uchun qiyin kechdi, chunki finalga munosib jamoalar yo'l olishgandi.
“Nasaf” futbol maktabining va bu erda mehnat qilayotgan murabbiylarning asosiy vazifasi – klubimizga munosib professional futbolchilarni tarbiyalab etkazib berish hisoblanadi. Bu maqsad uchun barcha murabbiylar bir yoqadan bosh chiqarib mehnat qilishmoqda. Bizda barcha murabbiylar o'zaro yaqin aloqada faoliyat yuritishadi. Masalan, klubimiz bosh murabbiyi – O'zbekistonda xizmat ko'rsatgan sport ustozi, Ro'ziqul Sadullaevich uchun tarbiyalanuvchilarimiz ishtirokida har qanday uchrashuv nazaridan chetda qolmaydi. SHuningdek mashg'ulotlar jarayoni, uslubi, futboldagi yangiliklar murabbiylar o'rtasida o'zaro tahlil qilinadi. Bundan kerakli xulosalar chiqariladi.
Bizda har bir tarbiyalanuvchiga – yosh futbolchiga etibor juda katta. Murabbiylarimizning mana shunday ahilligi, asosiy yutuqlarimizga omil bo'lmoqda. Futbol maktabimizdan etishib chiqayotgan iqtidorli futbolchilarimiz bilan doimo faxrlanamiz.
Bosh sahifaga
1745