Unda Braziliyaning "Gremio" va Ispaniyaning "Real Madrid" klublari to'qnash kelishadi. FIFA bu o'yinga hakamlarni tayinladi.
Unga ko'ra meksikalik Sezar Ramos boshchiligidagi hakamlar hal qiluvchi bahsda ishlashadi. Qanotlarda Marvin Torrentera va Migel Ernandez harakat qilishsa, zaxira hakami sifatida o'zbekistonlik Ravshan Ermatov ishlaydi. Yana bir o'zbekistonlik hakam Jahongir Saidov ushbu bahsda videoassistent bo'ladi.
SHu tariqa, Ermatov o'z faoliyatida to'rtinchi marta klublar o'rtasidagi Jahon chempionati finalida ishlaydigan bo'ldi.
2008 yil Ekvadorning "LDU Kito" va Angliyaning "Manchester Yunayted" klublari o'rtasidagi finalda Ravshan Ermatov bosh hakam sifatida ilk bor klublar o'rtasidagi Jahon chempionatining hal qiluvchi o'yinida ishlagandi.
2009 yilda Argentinaning "Estudiantes" va Ispaniyaning "Barselona" o'rtasidagi finalda Ermatov to'rtinchi hakam bo'lgan.
2011 yilda Braziliyaning "Santos" va Ispaniyaning "Barselona" klublari o'rtasida o'tgan bahsda hamyurtimiz bosh hakam vazifasini bajargan.
"Real Madrid" (Ispaniya) - "Gremio" (Braziliya)
16 dekabr 2017. Abu-Dabi. "Zayed Sports City" stadioni. 22:00 (Toshkent vaqti)
Bosh hakam: Sezar Ramos (Meksika)
Qanot hakamlari: Marvin Torrentera va Migel Ernandes (ikkisi Meksika)
Zaxira hakami: Ravshan Ermatov (O'zbekiston)
Videoassistent hakamlar: Mark Geyger (AQSH), Jahongir Saidov (O'zbekiston), Feliks Cvayer (Germaniya)
Bosh sahifaga
237