Unda "Qo'qon-1912" klubi bir yo'la ikki yo'nalishda sovrindor bo'ldi. Jamoaning muxlislar klubi yilning eng yaxshi muxlislari deb topildi. Bundan tashqari mavsum davomida umuman qizil kartochka olmagan klub 2017 yilning "Feyr pley" sovrin bilan taqdirlandi.
Ushbu marosimdan so'ng "Qo'qon-1912" bosh direktori Baxtiyor Tolipovning fikrlari bilan qiziqdik.
"Bu mukofot avvalo Qo'qon xalqi, futbolchilar, muxlislar va rahbarlarimizning yutug'i deb hisoblayman. Yil davomida qilgan mehnatlarimizning samarasini ko'rdik. Xudoga shukur.
Klubimizda yildan-yilga o'sish kuzatilmoqda. 2018 yilda bu yilgidan ham yaxshiroq natijaga erishishni niyat qilayapmiz. Maqsadimiz kuchli oltitalikka kirish. Qo'qon futbol vatani hisoblanadi, bu yil o'zbek futbolining 105 yilligi. Barcha muxlislarni va o'zbek xalqini kelayotgan bayram bilan tabriklayman", - deydi Baxtiyor Tolipov.
Bosh sahifaga
148