Ikki haftalik tatil bugun o'z yakuniga etdi. 14 dekabrdan jamoa navbatdagi 2018 yilgi futbol mavsumiga o'z tayyorgarligini boshladi. Jamoadagi o'zgarishlarga to'xtaladigan bo'lsak, bir qator futbolchilar "Olmaliq" bilan xayrlashishdi. Jamoa rahbariyati darvozabon Abror Karimov, himoyachilar Vusal Magerramov, Rahmatullo Berdimurodov, Islom Inomov, SHavkat Mullajonov, yarim himoyachilar SHota Grigalashvili, Farhod Musabekov, Yahyo Ro'ziev va hujumchi Zafar Polvonovga "Olmaliq"dagi faoliyati uchun o'z minnatdorchiligini bildiradi.
Dastlabki o'quv-mashg'ulot yig'ini 14-29 dekabr kunlari Toshkent viloyati tog'li hududida joylashgan "Oltin olma" majmuasida tashkillashtiriladi. Ilk mashg'ulotlarda asosiy tarkibning qolgan futbolchilari hamda o'tgan mavsumda yoshlar ligasida faol bo'lgan bir qator futbolchilar ishtirok etishadi. SHu bilan bir qatorda yangi futbolchilarning ham tarkibga qo'shilishi kutilmoqda.
Bosh sahifaga
1807