Mashg'ulotlar klub qarorgohida bo'lib o'tmoqda. Mashg'ulotlarda Doniyorjon Narzullaev, Azizjon G'aniev, SHarof Muhitdinov, Bobir Abduxoliqov va Odiljon Hamrobekov ishtirok etishmayapti. O'zingizga malum, ushbu futbolchilar 2018 yil 21 yanvargacha U-23 terma jamoamiz ixtiyorida bo'lishadi.
Serbiyalik legioner hujumchi Dragan CHeran 20 dekabrdan mashg'ulotlarga qo'shiladi. Yana bir legioner Igor Golban esa mashg'ulotlarga 15 dekabrdan kirishgan.
“Nasaf” 22 dekabr kuni U-23 terma jamoamiz bilan o'rtoqlik uchrashuvi o'tkazadi. Ushbu uchrashuv, shu kuni Qarshi shahridagi “Markaziy” stadionda soat 15:00da boshlanadi.
Jamoaning dekabr oyidagi rejasiga ko'ra, 26 dekabr kuni futbolchilarimiz tayyorligi bo'yicha normativ topshirishadi va shu kuni tantanali taqdirlash marosimida ham ishtirok etishadi. Dekabr oyi tayyorgarlik mashg'ulotlari 28 dekabr kuni nihoyasiga etadi. SHu kuni jamoamiz yana bir nazorat uchrashuvida maydonga tushishi mumkin. SHundan so'ng futbolchilarimiz yangi yil bayrami munosabati bilan qisqa tatilga chiqishadi.
Muxlislarni ko'proq qiziqtiradigan tarkibdagi o'zgarishlar haqida hozircha yangilik yo'q.
Bosh sahifaga
278