Unga ko'ra, ayni damda O'zbekistonnning eng qimmat jamoasi nomini – “Paxtakor” qo'lga kiritdi. Portal ushbu jamoani 11,90 million evroga baholadi. Jamoaning eng qimmat futbolchilari deb Marko Simich va Igor Sergeevlar keltirilgan – 1 million 800 ming evro.
2-o'rinda esa “Lokomotiv” qayd etilgan. “Temiryo'lchilar” 11,48 million evroga narxlandi. Mamlakatimizning amaldagi chempionining eng qimmat o'yinchisi sifatida Marat Bikmaev qayd etilgan. CHempionat to'purarining taxminiy transfer narxi – 1 million 200 ming evro.
3-o'rinda Qarshining “Nasaf” jamoasi qayd etilgan. “Ajdarlar”ning umumiy transfer narxi – 7,88 million evroni tashkil etadi. Qarshiliklarning eng qimmat futbolchisi – Dragan CHeran bo'lib turibdi. Legioner hujumchining taxminiy transfer narxi – 1 million evro.
Bizning “Qo'qon-1912” jamoasi transfer narxlari borasida O'zbekistonning oltinchi jamoasi sifatida qayd etilgan. Transfermarkt.de portali qo'qonliklarning umumiy transfer narxini 4,48 million evroga baholagan. Jamoamizning eng qimmat futbolchisi Aleksandr Merzlyakov. Uning taxminiy transfer narxi 450 ming evro sifatida ko'rsatib o'tilgan.
Demak, o'zbek klublarining umumiy transfer narxi 79,60 million evroga teng bo'ldi. Quyidagi jadval orqali batafsilroq malumot olishingiz mumkin:
Jamoa nomi | Narxi | Eng qimmat futbolchi | Narxi |
“Paxtakor” | 11,90 million evro | Marko Simich, Igor Sergeev | 1,8 million evro |
“Lokomotiv” | 11,90 million evro | Marat Bikmaev | 1,2 million evro |
“Nasaf” | 7,88 million evro | Dragan CHeran | 1 million evro |
“Bunyodkor” | 6,75 million evro | Doston Hamdamov | 1 million evro |
“Buxoro” | 5,5 million evro | Vladimir Baenko | 600 ming evro |
“Qo'qon-1912” | 4,48 million evro | Aleksandr Merzlyakov | 450 ming evro |
“Olmaliq” | 4,48 million evro | Vladimir Kosminin | 350 ming evro |
“Mashal” | 4,20 million evro | SHahzod SHaymonov, Abdulloh Olimov | 275 ming evro |
“Navbahor” | 3,80 million evro | Aziz Turg'unboev | 300 ming evro |
“Qizilqum” | 3,38 million evro | Erkin Boydullaev, Otabek Zokirov | 250 ming evro |
“Metallurg” | 3,33 million evro | Murod Toshmatov, Zohid Abdullaev | 300 ming evro |
“Neftchi” | 3,10 million evro | Bobur Yo'ldoshev, Jasur Hasanov | 200 ming evro |
“So'g'diyona” | 3 million evro | Ixtiyor Toshpo'latov | 200 ming evro |
“Dinamo” | 2,98 million evro | Adnan Oraxovac | 325 ming evro |
“SHo'rtan” | 2,48 million evro | Igor Taran | 175 ming evro |
Eslatib o'tamiz, transfermarkt.de portali tomonidan ko'rsatilgan transfer narxlar taxminiy bo'lib, unda ko'rsatilgan summalar haqiqiy transfer narxdan farq qilishi mumkin.
Bosh sahifaga
247