"Loko"ning ikki futbolchisi Brendan Rojers bilan uchrashdi
/ Kiritdi: BestMaster O'qilgan: 1296
Angliyaning "Flitvud Taun" klubi safida o'z mahoratini oshirayotgan "Lokomotiv" futbol klubining ikki nafar tarbiyalanuvchisi Rustam Nartajiev va Sergey Proxorov kecha "Liverpul" sobiq bosh murabbiyi Brendan Rojers bilan uchrashdi.
Uchrashuv "Flitvud Taun"ning uy stadionida ro'y berdi. Kecha Angliya birinchi ligasi doirasida "Flitvud Taun" o'z maydonida "Suindon Taun"ni qabul qilib, yirik 5:1 hisobida g'alaba qozondi. Bu o'yinni ko'rgani Brendan Rojers ham tashrif buyurdi.
Bahs yakuniga etgach, "Flitvud Taun" vakili Rojersni o'zbekistonlik ikki futbolchi bilan tanishtirdi. Murabbiy yoshlarga kerakli maslahatlarni berdi. SHuni aytish lozim, "Flitvud Taun" hamda "Lokomotiv" o'rtasida o'zaro hamkorlik imzolangan bo'lib, "Flitvud Taun"ning uy stadionida har doim O'zbekiston bayrog'i ilingan turadi. Buni quyidagi suratda ham ko'rishingiz mumkin.
Bosh sahifaga
1246