SHu bilan Germaniya Bundesligasi bir oylik tanaffusga chiqdi.
Kutilganidek "Bavariya" birinchi davrani peshqadam sifatida yakunladi va qishki chempionga aylandi.
Domeniko Tedesko qo'l ostidagi "SHalke" esa birinchi davraning ikkinchi qismini ajoyib tempda o'tkazdi va davrani ikkinchi o'rinda tugatdi.
28 ochkodan to'plagan bir yo'la to'rt jamoa - "Borussiya" D, "Bayer", "Leypcig" hamda "Borussiya" M esa 3-6 o'rinlarni bo'lishib turishibdi.
O'tgan mavsumni ko'tarinki ruhda o'tkazgan "Xoffenxaym" uchun esa mavsumning dastlabki qismi ko'ngildagidek kechmadi.
Bundesliga bronza medallariga ega chiqqan jamoa joriy mavsumning birinchi davrasini 7-pog'onada yakunladi.
"Xoffenxaym"da barqarorlik yo'qolgan. Yulian Nagelsmann tanaffusda aynan shu muammo ustida bosh qotirsa kerak.
O'tgan mavsumga nisbatan ko'tarilishga erishgan jamoalar ro'yxatiga "Bayer", "Borussiya" Myonxengladbax hamda "SHalke"ni alohida qo'shish mumkin.
Xayko Xerlixx "dorishunoslar"ni qaddini ko'tarishida muhim rolni bajardi. "Bayer" birinchi davra o'rtasiga kelib natijalarini keskin yaxshiladi va natijada birinchi davrani "kuchli to'rttalik"da tugatdi.
Birinchi davraning eng yaxshi mutaxassisi haqida gap ketadigan bo'lsa, unda "SHalke" bosh murabbiyi Domeniko Tedeskoni aytish mumkin. Tedesko "SHalke"ni qisqa vaqt ichida qaytadan shakllantira oldi. Jamoaning nafaqat o'yini, balki natijasi ham keskin yaxshilandi. O'tgan yili "yo'qolib" qolgan gelzerkirxenliklar ayni paytda nazariy jihatdan "Bavariya"ga chempionlik uchun raqobat qilishi mumkin bo'lgan eng yaqin raqib bo'lib turibdi. Bu albatta Domeniko Tedeskoning xizmatlari.
Birinchi davraning eng kutilmagan voqeasi, sensaciyasi bu so'zsiz - "Kyoln" qayd etgan natijalar. Jamoa faqatgina birinchi davra yakuniga kelib mavsumdagi dastlabki g'alabasini nishonladi.
To'purarlar ro'yxati
Bundesligada eng yaxshi assistent (9ta golli pas) bo'lib turgan Filipp Maks
Turnir jadvali
Bundesliga. 1-davra ramziy terma jamoasi:
Darvozabon: Sven Ulrayx ("Bavariya")
Himoyachilar: Filipp Maks ("Augsburg"), Naldo ("SHalke"), Xummels ("Bavariya"), Marsel Xalstenberg ("Leypcig")
Yarim himoyachilar: Maksimilian Filipp ("Borussiya" D), Nabi Keyta ("Leypcig"), Daniel Kalidjuri ("SHalke"), Leon Beyli ("Bayer")
Hujumchilar: Robert Levandovski ("Bavariya"), Mark Ut ("Xoffenxaym")
Bosh sahifaga
1107