"Neftchi" mashg'ulotlarga kirishdi, jamoani kim shug'ullantirmoqda?

2017-12-20 15:10:02 / Kiritdi: BestMaster O'qilgan: 820

Farg'onaning "Neftchi" jamoasi tatildan qaytib, yangi mavsumga taraddud ko'rishni boshlagani haqida klub rasmiy sayti malumot tarqatgandi.

Bizga malum bo'lishicha, "Neftchi" jamoasini ayni paytda katta murabbiy Sergey Lebedev shug'ullantirmoqda.

Jamoa bosh murabbiyi Vadim Abramov esa mashg'ulotlarda ishtirok etmayapti. "Neftchi" jamoasining mashg'ulotlarida faqat mahalliy futbolchilar shug'ullanishmoqda. Tayyorgarlikning dastlabki bosqichi Farg'onada bo'lib o'tadi. Yangi yildan keyin esa jamoa qaerda yig'in o'tkazishi hozircha nomalum.

SHuni qayd etish kerakki, Oliy ligada joriy mavsumda 15-o'rinni egallagan farg'onaliklar kelasi yilni qaysi ligada boshlashlari nomalum.

Eslatib o'tamiz, yaqinda O'FF "Neftchi" bosh murabbiyi Vadim Abramovni nomuayyan muddatga futboldan chetlatdi.

"Neftchi" klubi matbuot xizmati esa hozircha amaldagi bosh murabbiyi Vadim Abramov borasida izoh berolmasligini malum qildi.

Teglar: neftchi, mashgulotlarga, kirishdi, jamoani, shugullantirmoqda?,
← Oldinga Orqaga →