Klub rasmiy saytida «Sizningcha, «Dinamo» jamoasining 2017 yildagi eng yaxshi futbolchisi kim?» so'rovnomasida eng ko'p ovoz to'plagan futbolchi – Jasur Azimov bo'ldi. Butun mavsum davomida gohida himoyachi, gohida esa yarimhimoyachi sifatida faol to'p surgan samarqandlik 23 yoshli futbolchi jami ovozlarning 34 % foizi (121 ta)ga ega bo'ldi. Qayd etish joiz, Jasur mavsum davomida 25 o'yinda ishtirok etib, «Nasaf» va «Neftchi» darvozasiga gol urgandi.
Ushbu nominaciyada Jasur Azimovga Adnan Oraxovac «raqobatchi» bo'ldi. CHernogoriyalik himoyachi bu borada 22,7 % (80 ta ovoz) bilan 2-o'rinni oldi. Ikkinchi davrada «Dinamo» safiga kelib qo'shilgan legioner «Neftchi» va «Lokomotiv» darvozasini ishg'ol etib, muhim ochkolarni keltirdi.
So'rovnomada 3-o'rindan Radu Rogak joy oldi. Moldovalik 21 yoshli himoyachi o'zidan yaxshi taassurot qoldira oldi. Unga 15,9 foiz (56 ta) ovoz berilgan. Aynan Raduning yagona goli evaziga «Dinamo» safarda «Paxtakor»ni mag'lub etgan edi.
SHuningdek, so'rovnomada Amirjon Safarov 33 (9.4%), Akmal Bozorov 24 (6.8%), Abdumalik Abdullaev 24 (6.8%), Sardor Sulaymonov 10 (2.8%), Mixail Naumov 4 (1.1%)larga ovoz berildi.
Eslatib o'tamiz, 2007 yildan buyon klub matbuot xizmati tomonidan so'rovnoma orqali aniqlanib kelinayotgan «Dinamo»ning «mavsumdagi eng yaxshi futbolchisi» nomiga quyidagi futbolchilar loyiq ko'rilgan:
«Dinamo»ning «yil futbolchisi» nominaciyasi g'oliblari:
2007 yil – Farhod Tojiev
2008 yil – Ilyos Qurbonov
2009 yil – Bahodir Nasimov
2010 yil – Ilhom Yunusov
2011 yil – [Devid Oniya]
2012 yil – Ivan Nagaev
2013 yil – Andrey Melnichuk
2014 yil – Andrey Melnichuk.
2015 yil – Kamoliddin Murzoev.
2016 yil – Amirjon Safarov.
2017 yil – Jasur Azimov.
«Dinamo» klubi matbuot xizmati.
Bosh sahifaga
935