Jamoa 2018 yil 30 yanvar kuni o'z maydonida Iordaniyaning “Al-Faysali” jamoasini qabul qiladi.
Iordaniya klubi rasmiy saytining tarqatgan xabarlaridan shuni anglash mumkinki, keyingi paytlarda “Al-Faysali” klubi muammolar girdobida qolmoqda. Jamoa Iordaniya Kubogi yarim finalida “Al-Jazira”ga imkoniyatni boy berdi va kubok finaliga chiqa olmadi. Dastlabki uchrashuvdagi mag'lubiyatdan so'ng jamoani shu yilning sentyabr oyida qabul qilib olgan xorvatiyalik murabbiyi Dragan Talajich o'z istefosini elon qildi.
Bugungi xabar esa hammasidan o'tib tushdi. FIFAdan klub nomiga kelgan rasmiy xatga ko'ra, jamoaning to'rt nafar etakchi o'yinchisiga, bir yil muddatga (2017 yil 14 avgustdan 2018 yil 14 avgustgacha) har qanday futbol uchrashuvida maydonga tushishiga taqiq qo'yildi. Bular Movtaz Yosin, Baxa Abdul Rahmon Ibrohim, Ibrohim Dledum Zavahra va liviyalik legioner futbolchi Akram Zvailardir. SHuningdek klub rahbariyatidan Sulaymon Al Assof ikki yil muddatga futboldan chetlatilgan. Bu jazo nima sababdan qo'llanilgani xabarda aytilmagan.
“Al-Faysali” klubiga oid yangiliklarni kuzatishda davom etamiz.
Bosh sahifaga
166
