- To'pga egalik qilish qanchalik muhim?
- To'pga egalik qilish bilan uchrashuvda g'alaba qozoni bo'lmaydi, gap vaziyatlar yaratish haqida ketmoqda. To'p bilan harakat qilgan emas, raqib darvozasiga ko'proq yaqin kelganlar g'olib bo'lishadi. Biroq bu hujum tashkil qilishda yordam beradi. "Real" qarshi hujumlarda yaxshi harakat qiladi.
- G'alabangiz "Real"ni sovrindan uzoqlashtiradimi?
- Yo'q, biz uchrashuv oqibatlari haqida o'ylayotganimiz yo'q, oldinda turlar ko'p.
- "Real" uch yarim himoyachi yoki ikki hujumchi bilan o'ynashi "Barsa"ning o'yiniga tasir qiladimi?
- Bu asosiy tarkibda o'zgarishlarga olib kelmaydi, ammo o'yinda bo'lishi mumkin. Maydonga Asensio yoki Beyl tushishi - bu turli narsalar. Biroq "Real" murabbiyi o'z tarkibini aniqlaydi. Ular o'z stadioni va kuchli tomonlaridan foydalanishga harakat qilishadi.
- 24ta uchrashuvdan beri mag'lub bo'lmayapsiz. "Real"ga qarshi bahsda "Barselona" favoritmi?
- Bunday deb o'ylamayman. SHu kabi bahslarda turnir jadvalidagi o'rin yoki ochkolar farqi muhim emas. Ular uyda o'ynashadi, raqib kuchli, bahsda favorit bor deb o'ylamayman.
- So'nggi yillarda "Barselona" "Santyago Bernabeu"da yaxshi natijalarga erishdi, ammo "Kamp Nou"da aksincha.
- Statistika bir nimalar deyishi mumkin, ammo bu shunchaki raqamlar. Ushbu seriyani davom ettirish niyatidamiz, biroq qiyin.
- "Barselona" qaerda xato qilishi mumkin emas?
- Bunday turdagi bahslarda har bir vaziyatda etiborli bo'lish kerak, chunki bunday ajoyib futbolchilar bir hujum bilan uchrashuv taqdirini hal qilishlari mumkin. Biz hamma detallarga etibor qaratib, g'alaba qozonish uchun bor kuchimizni ishga solmoqchimiz. Superkubokda pressing evaziga ular bizga muammo tug'dirishdi. Bu bahsni sabrsizlik bilan kutyapmiz, chunki bu uchrashuvda kuchimizni kinab ko'ramiz. Ikkala jamoa yaxshi formada.
- Superkubokdagi videolarni qayta ko'rdingizmi?
- Albatta, ular bizga tayyorgarlik uchun kerak bo'ldi, chunki "Real"ni boshqa jamoalarga qarshi bahslarini ko'rsangiz, o'yin boshqacha bo'ladi.
- Madriddagi vaziyat borasida havotir olyapsizmi?
- "Santyago Bernabeu"dagi muxlislar o'z jamoasini qo'llab-quvvatlashadi, ammo bahs yaxshi o'tishiga umid qilamiz.
- Jonli yo'lakcha muhim faktorga aylanishi mumkinmi?
- "Real"ning joriy yildagi muvaffaqiyatlarini hurmat qilamiz, biroq hech kim uchun jonli yo'lakcha yaratmagan bo'lardim, o'zim ham undan o'tishni istamayman, chunki bu narsa o'z ahamiyatini yo'qotgan.
- "Real" bilan farq sakkiztaga etishini tasavvur qilganmidingiz?
- Yo'q, ammo hozirgi holat yoqimli. Orzu qilish zararli emas, doimo hammasi yaxshi deb o'ylaysan.
- Bugun darvozabonlar hal qiluvchi rolni o'ynashadimi?
- Darvoza va darvozabonlar doimo hal qiluvchi rolni o'ynagan. Ikkala posbon ham yaxshi formada. Biz uchun o'z darvozabonimiz - eng yaxshisi. Ikkisi ham bor kuchini ishga soladi, darvozabonning ishonchi juda muhim.
- Bu faoliyatingizdagi eng muhim uchrashuvmi?
- "Real"ga qarshi bahs juda muhim. Ammo bu uchrashuv faoliyatimdagi eng muhimi demagan bo'lardim.
- Ronaldu 100% tayyor emasligini aytishmoqda. Bunga ishonasizmi?
- U maydonga tushadi deb o'ylayman. Uchrashuv juda muhim - u ham asosiy futbolchi, shu sababli Ronaldu maydonga tushadi.
- Jamoa bunday bahsga tayyorgarlik ko'rayotganda eng muhimi nima?
- Biz qanday o'ynashimiz eng muhimi. Biz o'zimizning kuchli, raqibning kuchsiz tomonlarini o'rganamiz.
Bosh sahifaga
2067