"Navbahor-Umid" futbol maktabining suniy qoplamali maydonida o'tgan bahsda mezbonlar asosan ustunlikka erishishdi. Uchrashuv boshida Azam Aliev o'ng qanotdan boshlangan hujumni samarali yakunladi. Tanaffusga qadar imkoniyatlar bo'lsada birinchi bo'limda 1:0 hisobi saqlanib qoldi.
Ikkinchi bo'limda murabbiylar maydonga yoshlarni tushirishdi. SHunday bo'lsada, "Navbahor" g'alabani mustahkamlashni uddasidan chiqdi. Avvaliga Ravshan Hursanov ikkinchi golga mualliflik qildi. Andijonliklar shundan so'ng javob to'pini kiritib, keskinlikni qaytargandek bo'lishdi. Lekin bahs oxirlarida Akmal Turg'unboev uchinchi golni urdi. Yakunda 3:1 hisobi qayd etildi.
Andijonliklar bilan o'tgan uchrashuvda jarohat tufayli, Asilbek Amanov, Mirzohid G'ofurov va Ro'zimboy Ahmedovlar maydonga tusha olishmadi.
"Navbahor" uchrashuvni quyidagi tarkibda o'tkazdi: Mirzohid Mamatxanov, Yunusbek Abduvohidov, G'iyos Komilov, Jahongir Mehmonov, Ilhom Boydedaev, Dilshod Jabborov, Azam Aliev, Azizbek Turg'unboev, Abbos Maxstaliev, Oston O'runov, Ravshan Hursanov. Zaxiradan maydonga tushganlar: Hojiakbar Yunusov, Akmal Turg'unboev, Ahmad Mamadaliev, Abbos G'ulomov, Iskandar Siddiqjanov, Bilol Toshmirzaev.
Bosh sahifaga
434