1995 yili
“Janub” zonasi. 24 o'yin. 8 g'alaba, 4 durang, 12 mag'lubiyat. To'plar nisbati 26:48. 28 ochko. 10-o'rin
“Orol” jamoasi 1994 yili Oliy ligadan tushib ketgan edi. Kelasi mavsumni Birinchi ligada boshlagan nukusliklar juda ham muvaffaqiyatsiz ishtirok etishdi. Janub zonasida 13 jamoa orasida klub 10-o'rinni egallash bilan cheklandi.
13-26 o'rinlar uchun. 26 o'yin. 12 g'alaba, 2 durang, 12 mag'lubiyat. To'plar nisbati 21:35. 38 ochko. 21-o'rin
Ligada qolish uchun kurashgan Nukus jamoasi yakunda 26 ta jamoa orasida 21-o'rin bilan cheklanishga majbur bo'ldi va keyingi mavsumni ham Birinchi ligada o'tkazadigan bo'ldi.
1996 yili
52 o'yin. 19 g'alaba, 7 durang, 26 mag'lubiyat. To'plar nisbati 64:90. 64 ochko. 21-o'rin
“Orol” 1996 yili Birinchi ligada zo'rg'a jon saqlab qolishga erishdi. 27 ta jamoa ishtirok etgan ligada klub 21-o'rinni egalladi. 22-27 o'rin egalari esa Birinchi liga bilan xayrlashishdi. Nukusliklar ikkinchi mavsumni ham juda muvaffaqiyatsiz yakunladilar.
1997 yili
42 o'yin. 19 g'alaba, 5 durang, 18 mag'lubiyat. To'plar nisbati 69:75. 64 ochko. 12-o'rin
1997 yilda “Orol” oldingilarga qaraganda yaxshiroq bo'lgan mavsumni o'tkazdi. Nukusliklar o'tgan mavsumdagidek 64 ochko to'plashdi. Biroq bu ochkolar uchun jamoa 10 ta kam o'yin o'tkazdi va eng muhimi bu safar 12-o'rinni egalladi.
1998 yili.
38 o'yin. 12 g'alaba, 2 durang, 24 mag'lubiyat. To'plar nisbati 41:88. 38 ochko. 16-o'rin
Keyingi mavsumda nukusliklar yana autsayderlar qatoridan joy olishdi. 20 ta jamoa ishtirok etgan musobaqada klub 16-o'rinni egallab, zo'rg'a ligada jon saqlab qoldi. O'sha mavsum yakuniga ko'ra 17-20 o'rin egalari yanada quyi ligaga tushib ketishgan edi.
1999 yili
34 o'yin. 13 g'alaba, 5 durang, 16 mag'lubiyat. To'plar nisbati 45:49. 44 ochko. 11-o'rin
18 jamoa ishtirok etgan mavsumda “Orol” Birinchi ligadagi eng yaxshi natijasini qayd etdi. Klub o'sha mavsum yakuniga ko'ra 11-o'rinni egallab, o'z natijasini yaxshilab olgan edi. Jamoa bu ko'rsatkichi bilan kelasi mavsumda ham Birinchi ligada ishtirok etishi kerak edi. Biroq 2000 yilda har bir viloyat (hudud)dan bitta jamoa Oliy ligada ishtirok etishi bois, “Orol” jamoasi ham o'z nomini “Turon” deya o'zgartirib yuqori ligada ishtirok etgan edi.
Furqat Yusupov
Bosh sahifaga
1873