Toshkent shahridagi har bir tumanda joylashgan maktab va maktabgacha talim muassasalarida hamda imkoniyati cheklangan bolalar bilan ishlash internatlaridagi tarbiyalanuvchilarni yangi yil bilan tabriklash va ularga O'zbekiston Respublikasi Prezidenti nomidan sovg'alar topshirish maqsadida, joriy yilning 25 dekabridan boshlab “Kelajak umidlari” tadbiri o'tkaziladi. Bunday tadbirlar 27 dekabrga qadar davom etadi.
Bugundan boshlangan mazkur tadbirda maktabgacha talim muassasalarining tarbiyalanuvchilari hamda maktablarning boshlang'ich sinf o'quvchilari o'rtasida sog'lom turmush tarzini targ'ib qilish maqsadida futbol va turli sport musobaqalari o'tkazilyapti. Tadbir yakunida kelajagimiz umidlari bo'lgan bolalarga O'zbekiston Respublikasi Prezidenti sovg'asi sifatida to'plar va sport formalari, shuningdek, Faxriy yorliqlar topshirilmoqda. Tadbirda O'zbekiston futbol federaciyasi masullari, taniqli futbolchilar va OAV vakillari ishtirok etmoqda.
Bu loyiha yil davomida butun respublika bo'ylab davom etadi. Respublikamizdagi talim muassasalarida tahsil olayotgan yosh bolakaylar muntazam ravishda mana shunday musobaqalarga jalb qilinib, rag'batlantirilib boriladi.
Bosh sahifaga
2082