Futbolchi bilan Bishkek klubi shartnomasini uzaytirish niyatida emas deya xabar bermoqda futbolchining o'zi. Ayni damda hujumchiga Tojikiston, Hindiston va Qirg'izistonning "Alay" jamoalari jiddiy qiziqish bildirishmoqda. Biz Alisher Azizov bilan bog'lanib kelajagi borasida suhbatlashdik.
- "Dordoy" jamoasi bilan shartnomangiz yakuniga etdi. Klubdan shartnomani uzaytirish taklifi bo'ldimi?
- Yo'q, shartnomani uzaytirish to'g'risida jamoadan hech qanday taklif bo'lmadi. Meni fikrimcha "Dordoy" legionerlarsiz o'ynamoqchi. Ayni damda klubda moliyaviy tomondan muammolar yuzaga kelgan bo'lishi mumkin.
- Hozircha qaysi jamoalardan takliflar bor?
- Qirg'izistonning Osh shahri jamoasi "Alay"dan, Hindistonning "Minera" va Tojikistonning "Xojand" jamoalaridan takliflar bor. "Alay"dan jiddiy taklif bo'ldi, maosh masalasi meni o'ylantirib turibdi.
- Qirg'iziston chempionati haqida qanday fikrdasiz?
- Qirg'iziston chempionati ham yomon emas, baribir o'zimizni chempionatimizga etmaydi. Agarda O'zbekiston jamoalaridan taklif bo'lsa albatta O'zbekistonda qolardim.
- Jamoalarimizdan takliflar bo'ldimi?
- Hozircha hech qanday taklif bo'lgani yo'q. Menimcha bo'lmasa ham kerak, deb o'ylayman.
- Nima uchun taklif bo'lmaydi deb o'ylayapsiz, o'zingizni kuchingizga ishonmaysizmi?
- O'zimni kuchimga ishonaman. Lekin taklif bo'lmasa qaysi o'zimdan-o'zim birorta jamoaga borib olmaymanku (kulib). O'zbekiston chempionati boshlangunga qadar biroz vaqt bor. Kutaylikchi nima bo'lar ekan. To'g'risini aytsam, O'zbekiston chempionatini sog'indim.
Jahongir Sotvoldiev suhbatlashdi
Bosh sahifaga
450