Toshkent shahridagi har bir tumanda joylashgan maktab va maktabgacha talim muassasalarida hamda imkoniyati cheklangan bolalar bilan ishlash internatlaridagi tarbiyalanuvchilarni yangi yil bilan tabriklash va ularga O'zbekiston Respublikasi Prezidenti sovg'alarini topshirish maqsadida, joriy yilning 25 dekabridan boshlab “Kelajak umidlari” tadbiri boshlangani haqida avval xabar berib o'tgandik.
Mazkur tadbirda maktabgacha talim muassasalarining tarbiyalanuvchilari hamda maktablarning boshlang'ich sinf o'quvchilari o'rtasida sog'lom turmush tarzini targ'ib qilish maqsadida futbol va turli sport musobaqalari o'tkazilyapti. Kelajagimiz umidlari bo'lgan bolalarga O'zbekiston Respublikasi Prezidenti sovg'asi sifatida to'plar va sport formalari, shuningdek, Faxriy yorliqlar topshirilmoqda.
Bugun bunday tadbirlar Toshkent shahridagi quyidagi maktabgacha talim muassasalarida o'tkazilmoqda:
Yakkasaroy tumanidagi 249 va 300-MTM;
SHayxontohur tumanidagi 171, 197 va 588-MTM;
Yashnabod tumanidagi 149, 557 va 558-MTM
Yunusobod tumanidagi 301, 307, 206 va 191-MTM
Sergeli tumanidagi 566 va 599- MTM
Peshindan keyin tumanlardagi maktablarda ham bunday tadbirlar davom ettiriladi. Tadbirda O'zbekiston futbol federaciyasi masullari, "Lokomotiv", "Paxtakor", "Bunyodkor" klublarining taniqli futbolchilar va OAV vakillari ishtirok etmoqda.
Bu loyiha yil davomida butun respublika bo'ylab davom etadi. Respublikamizdagi talim muassasalarida tahsil olayotgan yosh bolakaylar muntazam ravishda mana shunday musobaqalarga jalb qilinib, rag'batlantirilib boriladi.
Bosh sahifaga
595