Bugun O'FF vakili Begzod Aripov, Toshkent shahar futbol federaciyasi vice-prezidenti Nodirxo'ja Yuldashev, "Paxtakor" futbol klubi etakchilari Kamoliddin Tojiev bilan Jamshid Iskanderov, "Odil Junior Carpi" futbol maktabi murabbiylari hamda saytimiz xodimlari tumandagi 204, 244-o'rta maktab, shuningdek 149, 557-bolalar bog'chalarida bo'lib, bolakaylarga O'zbekiston Respublikasi Prezidentining bayram sovg'alarini topshirishdi.
Tadbir shunchaki bolalarga sovg'a ulashishdan iborat bo'lmadi, balki har bir bog'cha va maktabdagi bolakaylar bilan turli sport tadbirlari ham tashkil qilindi. Bolalar o'rtasida qiziqarli estafelar o'tkazildi. Ayniqsa 204-o'rta maktabdagi futbol musobaqasi juda qizg'in kechdi. Bunda Jamshid Iskanderov boshchiligidagi bolalar jamoasi Kamoliddin Tojiev jamoasiga qarshi bahs olib bordi.
Albatta, bu tadbir ham futbolsiz o'tmadi. Bolajonlar to'p tepib o'yindan zavq olishdi. Hammaning etiborini o'ziga qaratgan penaltilar seriyasi esa bolakaylarning o'ziga ham juda manzur bo'ldi. Ertaga bunday tadbirlar poytaxtning barcha tumanlari bo'ylab yana davom ettiriladi. Eng asosiysi Yangi yil bayrami arafasida bolajonlarning kayfiyati ko'tarilsa bo'lgani.
Bosh sahifaga
341