"O'shanda futbolchi Kolumbiyaga (2:1) qarshi bahsda umurtqasidan jiddiy jarohat olib, maydonni tark etgandi. Keyinchalik Neymarsizz to'p tepgan Braziliya yarim finalda nemislarga 1:7 hisobda mag'lub bo'lgandi.
“O'sha jarohat olgan paytim men uchun faoliyatimdagi eng yomon davr edi. Men to'xtovsiz yig'lardim, barcha yaqinlarim bundan afsusda edilar.
O'sha vaziyatda Suniga menga zarba bergach, Marselo shifokorlarni yordamga chaqirdi. Ammo men unga o'ynamoqchi ekanligimni aytdim. Biroq oyoqlarimni qimrilata olmasdim. SHifokorlar meni maydondan olib chiqib ketishdi va men yig'lashni boshladim. Oyog'larim og'rir, hech narsani his qilmasdi.
Tekshiruvlardan keyin, shifokor oldimga kelib: “senga ikkita yangilik bor. Biri yaxshi, ikkinchisi yomon. Yomoni – sen uchun JCH yakunlandi. Yaxshisi – sen yura olasan, agar jarohating ikki santimetr boshqa joydan bo'lganida, futbolni yig'ishtirib qo'yishingga to'g'ri kelardi”, dedi. Men bir kun shifoxonada qolib, keyin uyga yul oldim va men uchun og'ir haftalar boshlandi”, deydi Neymar “The Player’s Tribune”ga bergan intervyusida.
Bosh sahifaga
230