Milliy terma jamoamiz – futbolimiz yuzi. Ushbu terma jamoaning natijalariga qarab o'zbek futboliga Xalqaro futbol jamoatchiligi baho beradi. SHu sababli ham milliy terma jamoamizning kuchaytirish, yuqori saviyaga olib chiqish uchun ko'plab chora-tadbirlar amalga oshirilmoqda. Jumladan, terma jamoamizga munosib sparring raqiblar topish, kuchli terma jamoalar bilan o'rtoqlik o'yinlari o'tkazish borasida ham muzokaralar muvaffaqiyatli yakunlanmoqda.
O'zbekiston milliy terma jamoasi 2018 yilning mart oyida Jahon chempionatiga yo'l olgan Marokash terma jamoasi bilan o'rtoqlik o'yini o'tkazish borasida kelishuvga erishdi. SHuningdek, may oyida yana bir JCH ishtirokchisi Eronga qarshi o'yin o'tkaziladi.
O'zbekiston milliy terma jamoasiga tez orada xorijdan kuchli murabbiy olib kelinadi. Bu murabbiy albatta o'z terma jamoasi bilan Jahon chempionatiga yo'l olgan, katta tajribaga ega murabbiy bo'ladi.
Ishonchimiz, komilki, bu amalga oshirilayotgan islohotlar tezda o'z samarasini berib, o'zbek futboli yana yuqori bosqichga chiqadi. Olimpiya va Milliy terma jamoalarimiz Tokio va Qatarda bo'ladigan Olimpiada va Jahon chempionatlariga yo'llanmalarni qo'lga kiritib, butun o'zbek xalqini xursand qilishadi, - deydi Umid Ahmadjonov O'FF matbuot xizmatiga.
O'FF muzokara olib borayotgan mutaxassislar aniq: Bilich, Maccari, Van Marveyk...
Bosh sahifaga
210