Bu galgi yig'in poytaxt – Toshkent shahrida davom ettirilmoqda. 3 yanvar sanasidan etiboran Andrey SHipilov etakchiligidagi metallurgchilar har kuni ikki mahaldan “Bunyodkor” futbol akademiyasi maydoni hamda CHilonzor tumanidagi “Paxtakor” futbol klubiga qarashli BO'SM maydonlarida mashg'ulot o'tkazishayapti.
Bevosita shug'ullanayotgan futbolchilarga kelsak, jamoa o'tgan mavsum o'zagini saqlab qolgan. 2017 yilgi mavsumdan keyin “Metallurg” bir qator faxriy futbolchilari bilan xayrlashdi. O'z navbatida klub mamuriyati bu o'yinchilarning barchasiga samarali mehnati, klubga sadoqati uchun minnatdorlik bildiradi va ularning kelgusi faoliyatiga omad tilaydi.
Yig'inda shuningdek, bir qator iqtidorli yosh o'yinchilar ishtirok etishayotganligini aytib o'tish lozim. Bu futbolchilardan kimlar tarkibda qolishi malum emasligi bois aniq malumot berishga vaqtli.
Ikkinchi yig'in fevral oyiga qadar davom etadi. Yig'in davomida bir qator ko'rik-nazorat uchrashuvlari ham o'tkazilishi rejalashtirilgan. Fevral oyidan esa “Metallurg” PFK yig'inni xorijda davom ettirishi kutilayapti.
Bosh sahifaga
107