"Biz ham etakchi futbolchilarimizni olib qolishni juda xohlagandik va bu asosiy vazifamiz edi. SHartnomasi tugaganidan keyin uni uzaytirishga harakat qildik. Futbolda ko'p narsalar bor. ularning sharoitlarini yaxshilash kerak. Lekin bu birgina men, Ro'ziqul Berdiev yoki SHamil Yarulinga bog'liq emas-da. Imkoniyat bormi, unda albatta ularni olib qolish kerak. "Paxtakor"da esa imkoniyat katta. Ular o'yinchilarimizga yaxshi sharoitlarni taklif qilishdi. Bunday paytda o'yinchilarda ikkita yo'l qoladi: pul yoki sadoqat. To'g'risi, bunday masalalar haqida gapirish qiyin. Bizda moliyaviy tomonlama katta muammo yo'q. Jamoamizga yangi prezident tayinlandi. Balki endi vaziyat yaxshi tomonga o'zgarar. Lekin bizda "Paxtakor"dagi kabi imkoniyatlar yo'q.
Igor Golban hozir Rossiyada. Biz u bilan gaplashdik va og'izaki kelishuvga erishganmiz. Nasib qilsa, Golban blan shartnomani uzaytiramiz. Dragan CHeranning "Nasaf" bilan yana bir yillik shartnomasi bor. Aks holda uni ham "Paxtakor" olib ketardi (kuladi).
Akmal SHorahmedov "Nasaf"ga kelib yana o'z o'yinini topgandi. Bahrom Abdurahimovni "Andijon"dan olib keldik. Ungacha uni aytarli hech kim bilmasdi. "Nasaf"ga kelib Bahrom Abdurahmov sifatida tanilib ketdi, - deydi "Nasaf" klubi sport direktori Vitaliy Ni "Futbol Ekspress" gazetasiga bergan intervyusi chog'ida.
Bosh sahifaga
226
