Aziz Ibragimov "Dinamo", "Buxoro" va MTJ haqida

"Dinamo"dagi faoliyatimga keladigan bo'lsak, Samarqand juda chiroyli va yaxshi shahar. "Dinamo"ning stadionidagi maydon chimi yaxshi holatda. Lekin "Dinamo" rahbariyatida bazi o'zgarishlar qilinishi kerak deb o'ylayman. Men "Dinamo"dagi faoliyatimdan qoniqmadim. Klub istiqomat qilgan qarorgoh juda yomon ahvolda edi. Yuvinish xonasida bittagina dush ishlardi. Kir yuvish xonasi ham juda achinarli holatda edi. Futbolchilar o'z kirlarini o'zlari yuvishardi, buning uchun esa ancha uzoq navbat kutardik. Barcha xonalarda ham kondicionerlar ishlamasdi. Umumiy qilib aytganda, klub qarorgohi yomon ahvolda qolgandi. Futbolchilar rahbariyat qilishi lozim bo'lgan ishlarni o'zlari bajarishardi. Hamma o'z ishini qilishi kerak deb o'ylayman. "Dinamo"da klub rahbariyati o'zgarishlarga muhtoj. "Buxoro"da esa aksincha. Buxoroda futbolchilarga kerakli bo'lgan barcha sharoitlar yaratib berilgan. Yotoqxonada ham sharoitlar yaxshi, simsiz internetgacha biz futbolchilarga muhayyo etilgan. Futbolda mayda narsalar bo'lmaydi. Barcha klublar avvalo haqiqiy professional bo'lishi lozim deb o'ylayman", - deya o'z fikrlarini bildirdi Aziz Ibragimov.

"Terma jamoamiz Samvel Babayan qo'li ostida har taraflama yaxshi tarafga o'zgardi. Taktik jihatdan ham, boshqa tashkiliy ishlarda ham terma jamoamiz kuchaydi. Samvel Babayan kuchli mutaxassis ekanligini isbotladi. Beshta o'yin va beshta g'alaba so'zlarim isboti bo'la oladi", - deydi Aziz Ibragimov.