Albatta o'zining shonli tarixiga ega bo'lgan klubning bu yilgi Pro-ligada ham ishtirok etishi so'roq ostida turgani bunga asos bo'la oladi.
Aytishlaricha farg'onaliklar bugundan o'z qarorgohida yig'ilgan va yangi mavsumga tayyogralik ko'rmoqda. Klubdagi vaziyatga oydinlik kiritish maqsadida jamoa murabbiyi Murod Ismoilov bilan bog'landik.
- Ochig'i, hozir aniq bir nima deyishga hayronman. Klubda mavhumlik yuzaga kelgan. Eshitishimcha, bungacha klub raisi sifatida ishlab kelgan Tohir Kapadze yaqinda yana Farg'ona viloyati futbol federaciyasiga birinchi vice-prezident lavozimiga qaytgan. SHu bois ayni damda “Neftchi” klubi raisi yoki biror bir rahbariyati yangitdan tayinlanishini kutyapmiz – deya gap boshladi Murod Muzaffarovich.
- Klubning yangi rahbari tayinlansa, ko'p narsaga oydinlik kiritiladi. Bugundan o'z qarorgohimizda bir mahal mashg'ulot o'tkazgan xolda, mavsumga tayyorgarlik ishlarini ko'rib bormoqdamiz. Tarkibda asosan mahalliy yoshlar. SHuningdek o'tgan mavsum “Neftchi” sharafini himoya qilgan ayrim etakchi o'yinchilar ham bor. Bular – SHerzod Hakimov, Dilyorbek Ermatov, Mo'ydin Mamazulumov hamda Mansur Saidov kabi tajribali futbolchilardir. Ushbu futbolchilar klubni o'tgan mavsum bo'yicha hisob-kitob qilishlarini kutishmoqda.
- Mashg'ulotlarni kamina bilan birgalikda murabbiylardan Sergey Lebedov, Bahrom Haydarov va darvozabonlar murabbiyi Bahodir SHamshiddinov o'tkazmoqda.
- Klubning keyingi taqdiri katta extimol bilan 5-10 kun ichida aniq bo'ladi. Bir qator futbolchilarimiz boshqa klublarga o'tishni afzal bilmoqda. Yana ayrimlari klubdagi vaziyat aniq bo'lishini kutmoqda. Umid qilamizki, yaqin orada rahbariyat barchasiga oydinlik kiritib beradi – deydi Ismoilov.
Islombek Rustambekov suhbatlashdi.
Bosh sahifaga
129