- Jamoamiz safida yangi kelib qo'shilgan futbolchilar shug'ullanishmoqda. Murod Toshmatov, Sanjar Rashidov, Azamat Isroilov, Jasur Xolto'raev, Sirojiddin Rahmatullaev, hamda Jahongir Aliev kabi futbolchilar ayni paytda qarorgohimizda mashg'ulotlarda ishtirok etishmoqda.
Yangi kelganlardan Sanjar Rashidov va Murod Toshmatov bilan rasman shartnoma imzoladik. Tarkibga yana bir yosh istedodli darvozabonni ham qo'shib oldik. SHuningdek, Tojikiston terma jamoasi azosi Jahongir Aliev bilan ham shartnoma imzolash arafasidamiz. Bu futbolchini anchadan buyon kuzatib kelayotgandik. Qolgan futbolchilar esa hali ko'rikda.
Ro'ziqul Berdiev klubning yangi prezidenti bilan uchrashdi
- Yaqinda klubimizning yangi prezidenti Iskandar Umarov bilan uchrashdim. Uchrashuv chog'ida klub prezidenti jamoaga barcha sharoitlarni yaratib berilishini takidladi.
Hozircha futbolchilar oldidagi qarzdorlikning katta qismi uzildi. Buyog'iga ham moliyaviy holat yaxshilanishi kutilmoqda. Jamoadan hozirgacha Farruh Sayfiev, Bahrom Abduraximov, Dilshod Rahmatullaev, Akmal SHorahmedov, Sayfullo Rahmatov, SHahboz Erkinov kabi futbolchilar tark etishdi.
Selekciya ishlari davom etmoqda. Tarkibda yana yangi futbolchilar kelishi kutilmoqda. Legionerlar bo'yicha ham selekciya olib borilmoqda. Talabga loyig'ini topa olsak, legioner jalb etamiz.
Hozircha ular borasida aniq bir to'xtamga kelingani yo'q. Agarda munosib futbolchi bo'lsa va kelishuvga erishsak, unda tarkibda yana legioner paydo bo'lishi mumkin.
Ro'ziqul Berdiev bilan tez orada saytimizda katta intervyu uyushtiramiz.
SHahboz Beg'amov suhbatlashdi
Bosh sahifaga
234