Birinchi davrani 12-o'rinda yakunlagan turinliklar jamoaga boshchi sifatida Valter Maccarrini taklif qildi. Vaholanki, Maccarriga bunga qadar O'zbekiston futbol federaciyasi ham qiziqish bildirayotgandi. O'FF matbuot xizmati taqdim etgan 9 kishilik ro'yxat Maccarrining shartnomasidan keyin bittaga qisqardi.
“Torino”dagi debyut omadli keldi va klub Maccarri bilan ilk o'yindayoq yirik g'alabani qo'lga kiritdi. Bunga qadar turinliklar ishtirokidagi 3 ta yirik natija kuzatilgan bo'lib, shularning 2 tasida “Torino” imkoniyatni boy bergandi: “Yuventus” 0:4, “Fiorentina” 0:3. Qolaversa, “Bolonya”ga qarshi birinchi davra o'yinida g'olibni aniqlashning imkoni bo'lmagandi — 1:1. Maccarrri esa jamoani qayta “uyg'otgandek”.
Ayni vaqtda “Milan”dan oldinroqda turgan “Torino” navbatdagi turni 21 yanvar kuni “Sassuolo” maydonida o'tkazadi. O'sha uchrashuvdagi ehtimoliy g'alaba klubni A seriyaning oltinchi jamoasiga ham aylantirib qo'yishi mumkin.
Bosh sahifaga
1927