“Ko'pchilik debyut golimni qachon urishim borasidagi savollarni berayotgandi. Endi mening ularga javobim bor. Biz o'z irodamizni ko'rsata oldik, ayniqsa so'nggi 10 daqiqada himoyada mardonavor o'ynadik. Yil bundan ham yaxshiroq boshlanishi mumkin emasdi. Muxlislar bizga ishonmoqda, biz esa bunga yaxshi o'yinimiz bilan javob qaytarishimiz kerak”, deb aytib o'tdi jamoa sardori.
“Milan” mavsum avvalida asosan o'rtamiyona futbolchilar bilan shartnomalar tuzdi. Ular orasida “Yuventus”dan xarid qilingan Bonuchchinigina alohida ajratib ko'rsatish mumkin edi. Mavsum avvalidagi ko'ngilsiz natijalar balki ortda qolgan bo'lishi ham mumkin. “Milan”da hozir hammasini boshidan boshlash uchun imkoniyat bor.
“Biz 70 daqiqa yaxshi futbol ko'rsatdik. Keyin esa keragidan ko'p xatolarga yo'l qo'ya boshladik. O'yin yakunlanib borgani sayin, xavf ko'payib ketaverdi. SHunga qaramay, futbolchilar qilayotgan mehnatdan qoniqmoqdaman. Birinchi ish kunimdanoq ular aytganlarimga amal qilib keladi. Bizda sifatli jamoa bor, faqatgina jiddiy mehnat qilishda davom etishimiz kerak”, — deb Gattuzoning so'zlaridan iqtibos keltirgan Football Italia nashri.
Qayd etish kerak, eski yilning so'nggi haftasida “Milan” hamshahri “Inter”ni taslim qilib, Italiya Kubogining yarim finaliga yo'l olgandi. 31 yanvar kuni milanliklar final yo'lida Rimning “Lacio” klubiga qarshi maydonga tushadi. A seriyadagi navbatdagi turni esa milanliklar 21 yanvar kuni “Kalyari” maydonida o'tkazadi.
Bosh sahifaga
219