"Astana" Qozog'istonni UEFAning eng yaxshi 30 mamlakatiga qo'shdi

"Astana" CHempionlar ligasining guruh bosqichiga chiqib Qozog'istonni UEFAning eng yaxshi 30 mamlakatiga qo'shdi.

Ostonaliklar CHempionlar ligasi pley-off boschiqining javob uchrashuvida Kiprning APOEL mehmoni bo'ldi va ikki o'yin natijasiga ko'ra g'alaba qozondi. "Astana" CHempionlar ligasining guruh bosqichida ishtirok etadigan birinchi qozoq klubiga aylandi.

Ushbu g'alabadan so'ng Qozog'iston 12,875 ochko bilan Slovakiyani ortda qoldirib reytingning 30-o'rniga ko'tarilib oldi. 28 va 29 o'rinlarni Bolgariya va Sloveniya mamlakatlari egallab turibdi.

Eslatib o'tamiz, UEFAning 22dan 27-o'ringacha bo'lgan mamlakat klublari 2017/18 mavsumdan boshlab CHempionlar ligasini (1 klub) ikkinchi saralash bosqichidan boshlaydi. Evropa ligasida qatnashadigan 3 klubning birinchisi ilk saralashdan, ikkinchisi - ikkinchi saralashdan, mamlakat Kubogi sohibi esa - uchinchi saralashdan musobaqaga qo'shiladi. 28dan 32-o'ringacha bo'lgan mamlakatlarning bir klubi CHempionlar ligasini 2-bosqichdan boshlaydi, ammo Evropa ligasi saralashida ularning faqat ikki klubi qatnasha oladi.

"Astana" guruh bosqichiga chiqib 13 mln. evro ishlab oldi.