Kecha Ispaniya La Ligasida 18-tur bellashuvlari bo'lib o'tdi. Mazkur turdan keyin “Barselona”ning ikki hujumchisi statistiklar uchun ish topib berdi.
Luis Suares
“Levante” darvozasiga gol urgan urugvaylik hujumchi “Barselona”ning 7-raqamli to'purari bo'lib oldi. U endilikda Samuel Eto’Oni ortda qoldira boshladi. SHu vaqtga qadar kamerunlik hujumchiga “Barselona”ning rasmiy o'yinlarida 131 ta gol urish nasib qilgandi. Suaresda esa aniq zarbalar soni 132 taga etdi.
Kataloniya klubida eng ko'p golni Lionel Messi urgan — 527 ta.
Lionel Messi
Messi kecha “Levante”ga qarshi o'yini bilan “Barselona” sharafini La Liga doirasida 400-bor himoya qildi va faqatgina Ispaniya chempionati haqida gap ketganida, 365-golini urdi. SHu tariqa Messi kuchli beshlikda gol urish borasida Gerd Myullerning rekordini takrorladi.
Myullerga shuncha gol urish uchun 427 ta o'yin kerak bo'lgandi. Messi esa barchasiga 400 ta bellashuvda erishi. Kelasi turdan boshlab u Myuller nomini shohsupadan o'chirishga harakat qiladi.
“Vasko da Gama”
Bu klubning Ispaniya La Ligasiga nima aloqasi bor, deb so'rashingiz mumkin. Koutinoni xarid qilgan “Barselona” ayni vaqtda “Vasko da Gama” hisob raqamiga 4 million evro o'tkazib berishi kerak. CHunki jamoa Koutinoni katta futbolga uzatib bergani bilan tarixga kirgan.
Koutinoning transferi bonuslari bilan qo'shganda 160 millionga aylanmoqda. FIFA esa futbolchini tarbiya qilgan maktablarni unutmaydi va 2,5 foiz unga ajratishni talab qiladi. Avvalroq “Liverpul” klubi o'z muxlislarini qanchalik hurmat qilishini ko'rsatib, mavsum avvalida Koutino ismi tushirilgan futbolkalarni xarid qilganlarga 56 evro turadigan vaucherlar berishi haqida aytib o'tgandi.
Xose Kalexon
Ha, u Italiyada — “Napoli”da to'p surmoqda. Biroq u ispaniyalik. Demak, etibordan chetda qolib ketmaydi. Axir u A seriyada to'p surgan ispaniyaliklar orasida eng ko'p gol urgan futbolchiga aylanib oldi.
A seriya klubi bilan shartnoma imzolagan ilk ispan futbolchisi Luis Suares Miramontes hisoblanadi. O'z vaqtida “Inter” va “Sampdoriya” klublarida to'p surgan sobiq futbolchi, endilik Kalexondan ortda qolib ketdi. “Verona”ga qarshi o'yinda Xose A seriyadagi 52-golini nishonlagandi.
Bosh sahifaga
142