O'zPFLning Super liga klublari uchun qo'ygan yangi talablari tarkibida futzal jamoasining mavjud bo'lishi borasidagi bandning keltirilishini ham aytib o'tish o'rinlidir. “Neftchi” PFKda esa ancha yillardan beri futzal jamoasi shakllanib kelgan. Ayni paytda Farruh Zokirov bosh murabbiyligidagi “Neftchi” futzalchilari yangi mavsumga tayyorgarlik ko'rishmoqda. Kuni kecha futzalchilarimiz bosh murabbiyidan klub rasmiy sayti uchun intervyu oldik.
– Haqiqatdan ham yaqin yillar ichida futzalning rivojlanishi uchun xukumat tomonidan keng ko'lamli ishlar olib borilmoqda, – deb gap boshladi Zokirov.
– O'zbekiston futzal terma jamoasini bir qator yirik xalqaro turnirlarda muvaffaqiyatli ishtirok etib kelayotgani ham futzalning rivojlanishidan dalolat beradi. Umuman olganda, futzal va futbol bir-biriga chambarchas bog'liq deb o'ylayman. Farg'onada iqtidorli futzalchilar ko'plab topiladi. Undan tashqari ayni paytda “Neftchi”ga jalb qilingan yigitlar ko'p yillardan beri mamlakat chempionatida ishtirok etib kelayotgan tajribali futzalchilar hisoblanadi.
Mana ko'rib turganingizdek, yangi mavsum oldidan bir qator yig'inlar tashkillab, farg'onaliklar iqtidorli yoshlarni ham ko'zdan kechiryapmiz. Barchaga yaxshi malumki, Farg'onada avvaldan futzal barqaror rivojlanib kelgan. Bizda futzal bo'yicha klubning selekcioner murabbiylari xavaskorlar o'rtasidagi turnirlarni kuzatib borishadi. CHunki xavaskor jamoalar ichida ham iqtidorli o'yinchilar ko'plab topiladi hamda ularni sportning mazkur turiga yanada professional daraja yondoshishlari uchun ko'mak berishga harakat qilamiz, – deb fikrlarini yaunladi Farruh Zokirov.
Hojiakbar Jabborov suhbatlashdi
Bosh sahifaga
192