Kecha jamoa safiga to'rt nafar yoshlar jamoasi azolarini qo'shildi: Yunusbek Abduvohidov, Akmal Turg'unboev, Abbos G'ulomov va Muzaffar Abdullaev. Ushbu futbolchilar kecha asosiy tarkib bilan mashg'ulotlarda ishtirok etdi.
Jamoanig Toshkentdagi vaqtinchalik qarorgohiga kecha Zohir Pirimov va Azamat Allaniyozov kabi futbolchilar etib kelishdi. Ushbu futbolchilar jamoa bosh murabbiyi Ilhom Mo'minjonov bilan suhbatda bo'lib, ayrim masalalarda o'zaro kelishuvga erishishdi. Bugun har ikki futbolchi ham mashg'ulotlarga qo'shiladi.
Yodingizda bo'lsa Zohir Pirimov o'tgan yilgi mavsum avvalida ham jamoa mashg'ulotlarida qatnashgandi. Lekin, chempionat boshlanishidan oldin "Buxoro" klubiga o'tib ketgandi. Azamat Allaniyozov esa 2017 yilgi mavsumni "Qizilqum"da boshlab davralar oralig'ida "Buxoro" jamoasiga ko'chib o'tgandi.
Toshkentdagi yig'in davomida to'rtta nazorat o'yini o'tkazilishi haqida malumot bergandik. Dastlabki uchrashuv 11 yanvar kuni "Oq-tepa" jamoasiga qarshi o'tkaziladi. Mazkur o'yin "Oq-tepa" o'yingohida soat 15:00 da boshlanadi.
Bosh sahifaga
395