Teves “Boka Xuniors”da 32-raqamda to'p tepadi

U “Boka Xuniors” bilan shartnomaga imzo chekdi va yangi jamoasiga 32-raqam ostida to'p tepadi.

Teves 2016 yilning dekabrida “SHanxay SHenxua” tarkibiga o'tib, dunyoning eng ko'p maosh oluvchi futbolchisiga aylangan edi. OAV xabarlariga ko'ra, uning maoshi yiliga 40 million dollarni tashkil etgan. Teves Xitoy klubida 20 ta uchrashuvda maydonga tushdi va to'rtta gol urishga erishdi. Yanvarda hujumchi “SHanxay SHenxua” bilan shartnomani bekor qildi va qadrdon jamoasiga qaytdi.