Ayni kunlarda federaciya vakillari viloyatlarga chiqib jamoalarda ushbu talablar bo'yicha qanday ishlar olib borilayotgani bilan qiziqmoqdalar.
7-8 yanvar kunlari Asqar Tolibjonov boshchiligidagi ishchi guruh Qo'qonga tashrif buyurdi. Tashrifdan maqsad “Qo'qon-1912” jamoasida mavsumga tayyorgarlik jarayonlari qanday davom etayotgani bilan tanishish, kerakli ko'rsatma va maslahatlarni berishdan iborat edi. Mehmonlar Qo'qondagi “Markaziy” stadionida bo'lib bu erda davom etayotgan ishlar bilan yaqindan tanishdilar. Stadionda futbolchilar, matbuot xodimlari, yuqori martabali mehmonlar va muxlislarga yaratilayotgan sharoitlarni o'rganib, o'zlarining kerakli maslahat va tavsiyalarini berdilar. Ayni kunlarda “Markaziy” stadionda tamirlash ishlari jadal suratda davom etmoqda. Mutaxassislar stadion maydonining holatini yaxshilash borasida jiddiy takliflarni o'rtaga tashladilar.
SHuningdek, federaciya vakillari “Qo'qon-1912” jamoasiga qarashli futbol maktablarida, Uchko'prik tumanidagi stadionda va Qo'qon shaxar 2-bolalar va o'smirlar sport maktabida ham bo'ldilar. “Qo'qon-1912”ning ayollar jamoasi va mini futbol jamoalari to'p suradigan stadion va sport zallarida yaratilgan sharoitlarni o'rgangan mehmonlar, bu erlarda qilinishi lozim bo'lgan vazifalarni belgilab berishdi.
O'FF vakillari “Qo'qon-1912” futbol klubi ofisiga tashrif buyurib klub rahbariyati bilan suhbat o'tkazdilar va tegishli meyoriy hujjatlar bilan tanishib chiqdilar.
Bosh sahifaga
358