Futbolchi va klub o'rtasidagi kelishuv 2023 yilning 30 iyunigacha belgilandi. Kolumbiyalik bitimidagi tovon puli 100 mln. evro. Transfer uchun ko'k-anorranglilar Braziliya klubi hisobiga 11,8 mln. evro o'tkazib beradi.
Kataloniya klubi rasmiy sayti futbolchi haqida qiziqarli 10ta malumot to'pladi.
1. "Barselona"dagi birinchi kolumbiyalik
Yerri Mina "Barselona"da rasmiy o'yin o'tkazadigan birinchi kolumbiyalik futbolchi bo'ladi. 1964 yilning 24 iyunida Kolumbiyadan bo'lgan boshqa futbolchi "Sabadell"ga qarshi o'rtoqlik o'yinida Kataloniya klubi safida maydonga tushgan, biroq jamoada qolmagan.
2. Denis Suares tengdoshi
Kolumbiyalik Denis Suares bilan tengdosh (1994) hisoblanadi. "Blauragna" yarim himoyachisi 6 yanvarda tug'ilgan bo'lsa, Mina 23 sentyabrda dunyoga kelgan.
3. Kolumbiya terma jamoasi safida debyut
Mina 2016 yilning 6 oktyabrida milliy terma jamoa safida debyut qilgan va Urugvayga qarshi kechgan (2:2) 11 oktyabrdagi bahsda o'zining birinchi golini urgan.
4. Klubning eng novcha futbolchisi
Markaziy himoyachi yangi jamoasidagi eng bo'yi uzun futbolchiga aylandi. Klubning novcha futbolchilari safiga Xerard Pike (194 sm), Serxio Buskets (189 sm) va Andre Gomesh (188 sm) kiradi.
5. LaLigadagi o'ninchi kolumbiyalik
Yerri Mina ayni damda Ispaniyaning birinchi darajali chempionatida o'ynayotgan o'ninchi kolumbiyalik hisoblanadi.
LaLigadagi Kolumbiya futbolchilari: Karlos Bakka ("Vilyarreal"), Xuanxo Naravaes ("Betis"), Luis Murel ("Sevilya"), Daniel Torres ("Alaves",), Jefferson Lerma ("Levante"), Jeyson Murilo ("Valensiya"), Bernardo Espinosa, Yoxan Moyika va Marlos Moreno (uchchalasi "Jirona"da).
6. To'rt xil raqam
Yerri Mina faoliyati davomida to'rt xil raqamda o'ynagan. "Deportivo Pasto"da 3, "Independente"da 26, "Palmeyras"da 13 va Kolumbiya terma jamoasida 16.
7. Yerri Mina fondi
Futbolchining xayriya loyihasi mavjud va u 2000 kishiga yordam beradi.
8. Darvozabondan himoyachiga aylangan futbolchi
Mina faoliyatini oilasidagilar kabi darvozabon sifatida boshlagan, biroq vaqt o'tib u poziciyasini o'zgartirishga qaror qildi. Ayni damda u dunyoning istiqbolli himoyachilari safiga kiradi.
9. Sovrinlar
Kolumbiyalik sovrinlar tufayli doimo muhim futbolchi bo'lib qolmoqda. Mina 2014 yilda Kolumbiya chempioni bo'ldi. U "Palmeyras" bilan 2015 yilda Kopa Sudamerikana g'olibiga aylandi, 2016 yilda esa Braziliya chempionatida oltin medallarni qo'lga kiritdi.
10. Oila va do'stlar
Minaning oilasi va do'stlari - futbolchi hayotining muhim qismiga aylanib qolgan. Yerri maydondan tashqaridagi ko'p vaqtini ular bilan o'tkazadi.
Bosh sahifaga
1736