Bugun Andijon viloyati hokimi, klub prezidenti SHuhratbek Abdurahmonov viloyatning bosh jamoasi "Andijon" klubining vice-prezidenti Marufjon Abdisalomovni qabul qildi va bo'lajak mavsum oldidan jamoaning tayyorgarligi borasida suhbatlashdi. Unda klub prezidenti bosh murabbiy masalasini ham ko'rib chiqish yuzasidan topshiriq berib, ushbu masuliyatli lavozimga tajribali murabbiy tayinlash lozimligini alohida takidlab o'tdi.
SHundan so'ng rahbariyat bir nechta nomzodlarni ko'rib chiqib, yakunda taniqli mutaxassis Eldor Sakaevni bosh murabbiylikka olib kelishga qaror qildi. Marufjon Abdisalomovning ushbu taklifini klub prezidenti ham qo'llab-quvvatladi va rasman Eldor Sakaev "Andijon" bosh murabbiyi etib tayinlandi.
O'tgan mavsum Quvasoyning "Cementchi" jamoasi murabbiylar shtabida faoliyat yuritgan Eldor Usmanovich, jamoaning chempionlikka erishib, Super-ligaga yo'l olishida o'z hissasini qo'shgandi. Ushbu mutaxassis bilan o'tkazilgan muzokara yakuniga ko'ra, tomonlar o'zaro bitim imzoladi.
SHu tariqa "burgutlar" yangi mavsumga Sakaev boshchiligida tayyorgarlik olib boradigan bo'ldi. Yangi bosh murabbiy, jamoa azolariga rasman tanishtirildi va Eldor Sakaev eng shimarib ishga kirishdi.
Eldor Sakaev "Andijon" bosh murabbiyi
/ Kiritdi: BestMaster O'qilgan: 754
Bosh sahifaga
135