O'tgan mavsumni “Olmaliq”da o'tkazgan Yelich endilikda "Loko" sharafini himoya qiladi. "Temiryo'lchilar" serbiyalik yarim himoyachi Igor Yelich bilan rasman shartnoma imzolashdi.
Bu haqda klub rasmiy sayti xabar qilmoqda. Bunga qadar biz Igor Yelich "Lokomotiv"ga o'tishga yaqin ekanligi haqida xabar bergandik. Yakunda esa bu transfer amalga oshdi.
<AGMK legioneri "Lokomotiv"ga o'tishga yaqin>
"Lokomotiv" Igor Yelich bilan qancha muddatga shartnoma imzolagani rasmiy xabarda aytilmagan. Igor Yelich "Olmaliq" safida 29 marotaba maydonga tushgan holda raqiblar darvozasini 5 bor ishg'ol etishga muvaffaq bo'lgan.
Igor Yelich "Loko"da 88-raqam ostida maydonga tushadi.
Takidlash joizki, Igor Yelich bunga qadar “Vojdovac”, “Mladost”, “OFK Belgrad”, “Novi Pazar” kabi bir qator bolqon klublari tarkibida o'ynagan.
Eslatib o'tamiz, Igor Yelich ayni paytda Dubayda yangi mavsumga taraddud ko'rayotgan "Lokomotiv" mashg'ulotlarida ishtirok etmoqda.
Bosh sahifaga
226