Abdusamad Do'rmonov: “Pley-offda menimcha “So'g'diyona” g'olib chiqadi”

Unda oliy liganing 15-o'rindagi jamoasi “So'g'diyona” bilan birinchi ligada 2-o'rinni band etgan “Oq-tepa” kuch sinashadi. Bo'lajak bahs oldidan taniqli mutaxassis Abdusamad Do'rmonovga murojaat qilgan xolda fikrlarini bilishga qiziqdik.

- Har ikki jamoa uchun g'alaba ilinjida maydonga tushishi aniq. “So'g'diyona” so'nggi yillarda elitada ishtirok etib kelmoqda. Ularda raqibga nisbatan tajriba katta. SHuning evaziga ham jizzaxliklar katta extimol bilan g'alaba qozonadi deb o'ylayman.  

- Bu ko'proq ruhiy xolatga ham bog'liqdir. Sababi “Buxoro”dan o'z uyida uchralgan alamli mag'lubiyatdan so'ng istaysizmi yo'qmi yigitlarda ruhiy “sinish” bo'ladi. Bosh murabbiy Davron Fayziev bu tomondan jamoasini qay tariqa tayyorlay olganini o'yin ko'rsatadi.

- “Oq-tepa”ga keladigan bo'lsak, ularda o'yinga qadar puxta tayyorgarlik ko'rish uchun etarlicha vaqt bo'ldi. Jamoa safida ilgari oliy ligada o'ynagan futbolchilar bo'lsada, ularning vaqti o'tgan menimcha. Tarkibdagi ko'p yigitlar yoshlarni tashkil etadi. Lekin tajriba qo'l kelishi ham mumkin. Boz ustiga jamoa oldiga kuchlilar safiga chiqish vazifasi qo'yilgan. Astoydil o'ynashi turgan gap.

- Fikrimcha jizzaxliklarning imkoniyati yuqori. Qolganini vaqt ko'rsatadi.

Islombek Rustambekov suhbatlashdi.