2017 yil yakunlariga ko'ra, J2-ligada ikkinchi o'rinni qo'lga kiritib, yangi mavsumda “Kun chiqar yurtning” oliy divizionida qatnashish huquqiga ega bo'lgan klub O'rinboevga yaqinda Tailandda o'tgan xalqaro turnirdan so'ng qiziqib qolgan edi. Ushbu turnirda eng yaxshi to'purar bo'lganligi va, ayniqsa, final uchrashuvida yaponlar darvozasini ikki marta ishg'ol qilganligi futbolchimizga “Nagasaki” tomonidan qiziqish paydo bo'lishiga asosiy sabab bo'lgandi.
Xabaringiz bor, O'zbekiston va Yaponiya olimpiya terma jamoalari endi Osiyo chempionatining chorak final bellashuvida yana to'qnash kelishadi. Demak, “Nagasaki” klubi murabbiylari 19 yanvar kuni o'tadigan chorak finalni endi bundan-da katta qiziqish bilan kuzatishadi.
Agar barchasi ijobiy intiho topsa, O'rinboev yaqin orada Yaponiyadagi, o'tgan yilni J1-liganing “Jubilo Ivata” jamoasi safida o'tkazgan Fozil Musaevdan so'ng, ikkinchi o'zbek futbolchisiga aylanishi mumkin.
Bosh sahifaga
128