Vaziyatga oyldinlik kiritish maqsadida futbolchining o'zi bilan suhbatlashganimizda quyidagilarni aytib o'tdi.
- Yashirmayman, xorij klubidan taklif bo'lgani rost. Agentim hozirda Malayziya klublarining biri bilan muzokara olib bormoqda. To'g'risi, o'zimizning jamoalardan ham chorlovlar bo'lmoqda. Ammo yakuniy to'xtamga kelib ulgurmadim. Nasib qilsa ushbu haftada keyingi taqdirimni qaysi jamoa bilan bog'lashim aniq bo'ladi.
- “SHo'rtan” bilan amaldagi shartnomam yakuniga etdi. Hozirda erkin agentman. Lekin g'uzorliklar bilan to'liq hisob-kitob qilinmadi. Jamoaning qachon yig'ilishi borasida aniq gap yo'q. Klub vakillarining hech biri hozircha biz bilan bog'lanmadi. O'ylaymanki “SHo'rtan” bu yil pro-ligada munosib qatnashadi va yana super ligaga yo'l oladi.
- To'g'risi, o'tgan mavsum “SHo'rtan” uchun juda ham og'ir kechdi. Malum sabablarga ko'ra, jamoani FIFA kuchlilar safidan chetlatdi. Mavsum o'rtasiga kelib, bunday qaror chiqarilishi jamoadagi ichki muhitga o'z tasirini o'tkazmasdan qolmadi. Voqealar rivoji bunday tus olishini hech kim kutmagandi. Qolaversa jamoada yuzaga kelgan moliyaviy muammolar ham natijaning salbiy ko'rinish olishiga o'z tasirini ko'rsatdi.
- Agarda bu kabi muammolar yuzaga kelmaganida, bemalol ayta olamanki “SHo'rtan” mavsumni 8 yoki 9-o'rinda yakunlagan bo'lardi. Bunday deyishimning boisi tarkibimizda mahoratli o'yinchilar talaygina edi. Jamoaviy o'yin yaxshi shakllantirilgan. O'z maydonimizda har qanday raqibdan ochko tortib olishni ham uddalagandik.
- “SHo'rtan”ning o'tgan mavsumdagi salbiy natijasini inobatga olmaganda, o'z faoliyatimdan qisman ko'nglim to'lmadi. Lekin tarkibdagi futbolchilar yanada yaxshiroq o'yin ko'rsatganida, ko'proq ochko jamg'arishimiz extimoldan xoli emasdi. Nima ham derdik bu – xayot – deydi Otabek Narzullaev.
Islombek Rustambekov.
Bosh sahifaga
216
