Ertangi bellashuvdan oldin yaponlar ustozi Xajime Moriyasu quyidagi fikrlarni bildirdi:
- "Yaponiya avvalgi Osiyo chempionatida g'olib chiqqan, lekin bu hech qanday bosim o'tkazmaydi. Biz xotirjammiz. Omadimiz kelsa yana chempion bo'lamiz, yo'qsa o'z yo'limizda davom etamiz".
- "Albatta, bu erga g'oliblik uchun kelganmiz, lekin bundan ham muhimi futbolchilarimizning malaka oshirishidir. Ular eng yaxshi xususiyatlarini maydonda ko'rsatsa, men shundan ko'proq xursand bo'laman".
- "Xalqaro musobaqalarda chorak finalga chiqqan jamoalar orasida kuchsizi bo'lmaydi. O'zbekiston ham o'ziga yarasha kuchli raqib. Ularda tajribali va saviyasi baland futbolchilar ko'p. Men shogirdlarimni bu o'yinga jiddiy tayyorlashim kerak".
Malumki, Tailandda o'tkazilgan M-150 Kubogi finalida Yaponiya va O'zbekiston o'zaro to'qnash kelgandi. O'shanda O'zbekiston terma jamoasi finalda Yaponiyani penaltilar seriyasiga ko'ra mag'lub etgan. Yaponlar ustozi o'sha o'yinni ham yodga oldi:
- "Men terma jamoani qabul qilib olganimdan so'ng M-150 Kubogi mening ilk musobaqam bo'lgandi. Osiyo chempionati esa ikkinchisi. Lekin bu ikki musobaqani bir-biri bilan solishtirish kerak emas. O'sha turnirdagi jamoamiz tarkibi hozir o'zgargan. Hozirgi tarkibdan faqat sakkiz futbolchi Tailandda ham o'ynagandi".
Bosh sahifaga
225
