SHu munosabat bilan, O'Zbekiston yoshlar terma jamoasining video operatori Jamoliddin Solixov tomonidan O'FF Prezidenti Umid Ahmadjonov tomonidan yo'llangan xat o'qib eshittirildi.
Hurmatli futbolchilar va murabbiylar!
Kecha 52 kishini o'z bag'riga olib, Rossiyaga yo'l olgan fuqarolarimiz ayanchli tarzda halok bo'ldilar. Buni bilgan bo'lishingiz kerak! Ayni paytda O'zbekistonda barcha vafot etganlar xotirasiga duolar o'qilayapti.
Sizlarga shu narsani aytaman, bugun g'alaba kozonib, alamda qolgan o'zbek xalqiga quvonch ulashing. Qarang, Sizni egningiz but, qorningiz to'q. Barcha sharoitlar yaratilgan. Hayot taqozosi bilan ular o'zga yurtga yo'l oldidar va... SHuning uchun ham Siz o'zingizdagi sharoitga doim shukurli bo'ling, uni oqlang!
Avvalgi uch o'yiningizni ko'rdim. Qiynaldinglar, menimcha yanada yaxshi harakat qila olasizlar. Taylanddagi o'yinlarni sog'indik, ketishdan oldin maqtagan o'zbek o'g'lonlari, ko'rsating o'zingizni! Bugun barchaning nigohi sizlarga qaratiladi. Xalqni xursand qilishga bugun hammadan ham Sizlarda imkoniyat ko'p. Kechagi kundagi ko'ngil g'ashligini birgina g'alaba bilan taskin berish imkoniyati bugun Sizlarda mavjud.
O'sha avtobusda ketayotganlar ichida aniq ishonamanki o'zbek futboliga befarq bo'lmaganlari ham ancha bo'lgan. Vafot etganlar hurmati, bugun g'alaba qozoning, iltimos Sizlardan!
O'FF Prezidenti, Umid Ahmadjonov.
Bosh sahifaga
202
